Bu gün Bakı Beynəlxalq Mərkəzində Millətlərarası, multikulturalizm və dini məsələlər üzrə dövlət müşaviri, akademik Kamal Abdulla ilə qış məktəbinin iştirakçılarının görüşü olub. Bu barədə “İnterfaks-Azərbaycan” agentliyinin müxbiri tədbirdən məlumat verir.

“ Bu gün siz ikinci gündür Azərbaycandasınız. Ümid edirəm ki, gününüz yaxşı keçib və siz şəhərimizlə, onun tarixi məkanları ilə tanış olmağa imkan tapmısınız”,- deyə K.Abdulla gənclərlə görüşdə bildirib.

Onun sözlərinə görə, Azərbaycanın regionlarındakı gənclər xarici qonaqlarla görüşü səbirsizliklə gözləyirlər.

“Əminəm ki, biz yay məktəbində də qış məktəbinin iştirakçılarını yenidən görəcəyik”,- deyə o qeyd edib.

“Azərbaycan multikulturalizmi” fənni tədris edildikdən sonra siz ömrünüz boyu Azərbaycanı sevgi ilə xatırlayacaqsınız , bizim əlaqələrimiz daha möhkəm və güclü olacaq”,- deyə dövlət müşaviri bildirib.

“ 2016-cı ilin multikulturalizm ili elan edilməsi bizim üçün çox vacibdir Bu bir növ insanlara mərhəmətli və dostcasına münasibət göstərilməsi mesajıdır”,- deyə K,Abdulla qeyd edib.

Onun sözlərinə görə, Azərbaycanda müxtəlif xalqların nümayəndələri arasında münasibətlər məhz bu formatda qurulur.

A.Zeydullayeva