Ermənistan Müdafiə Nazirliyi Azərbaycan tərəfi ilə Qarabağ münaqişəsi ilə bağlı operativ əlaqədən istifadə olunmasında ATƏT-in Minsk qrupunun köməyinə ümid edir. Bu barədə Ermənistan Müdafiə Nazirliyinin mətbuat xidməti nazir David Tonoyanın ATƏT-in Minsk qrupunun həmsədrləri ilə görüşünün yekunları üzrə məlumat yayıb.
"Müdafiə naziri qeyd edib ki, atəşkəs rejiminə qeyd-şərtsiz riayət edilməsi, risklərin qarşısının alınması və azaldılması üzrə tədbirlərin həyata keçirilməsi çox böyük əhəmiyyət kəsb edir", - deyə məlumatda vurğulanır.
Görüşdə D.Tonoyan Ermənistanın baş naziri Nikol Paşinyan və Azərbaycan prezidenti İlham Əliyev arasında əldə edilmiş operativ əlaqədən istifadə olunması haqqında razılaşmanın əhəmiyyətini diqqətə çatdırıb.*