Prezident İlham Əliyev Kasım-Jomart Tokayevi Qazaxıstan prezidenti vəzifəsində fəaliyyətə başlaması münasibətilə təbrik edib. Bu barədə Azərbaycan prezidentinin mətbuat xidməti məlumat yayıb.
“Prezident İ.Əliyev Qazaxıstan prezidenti vəzifəsində fəaliyyətə başlamış Kasım-Jomart Tokayevə telefonla zəng edib. İ.Əliyev Kasım-Jomart Tokayevi prezident vəzifəsində fəaliyyətə başlaması münasibətilə təbrik edib, ona Qazaxıstanın inkişafı naminə fəaliyyətində uğurlar arzulayıb”, - deyə məlumatda bildirilir.
Kasım-Jomart Tokayev göstərilən diqqətə və təbrikə görə minnətdarlığını bildirib.
Dövlət başçıları ölkələrimiz arasında dostluq münasibətlərinin bütün sahələrdə uğurlu inkişafından məmnunluqlarını bildirib, əlaqələrimizin gələcəkdə də inkişaf edəcəyinə və möhkəmlənəcəyinə əminliklərini ifadə ediblər.*