Cənubi Koreya nümayəndə heyəti iqtisadi əməkdaşlıq məsələlərini müzakirə etmək üçün fevralın 6-da Azərbaycana səfər edəcək.
" Cənubi Koreyanın ticarət üzrə nümayəndə heyəti fevralın 6-da Azərbaycana səfər etməyi və mal və xidmət mübadiləsinin stimullaşdırılması yollarını müzakirə etməyi planlaşdırır", - deyə “Yonhap News” agentliyi Cənubi Koreyanın Ticarət, Sənaye və Energetika Nazirliyinə istinadən xəbər verir.
Bakıya səfər çərçivəsində nümayəndə heyəti səhiyyə, informasiya-kommunikasiya texnologiyaları və kənd təsərrüfatı sahələrində əməkdaşlıq məsələlərini müzakirə edəcək.
"Cənubi Koreya Azərbaycanın sənaye portfelini şaxələndirmək və karbohidrogen ixracından asılılığı azaltmaq səylərində mühüm rol oynamaq istəyir", - deyə məlumatda qeyd olunur.*
A.Əzizov