Türkiyə prezidenti Rəcəb Tayyib Ərdoğan bu gün Ermənistanı Cənubi Qafqazda sülh və sabitliyə əngəl adlandırıb.

"İyul ayında Azərbaycan torpaqlarına hücum edən Ermənistan Cənubi Qafqazda davamlı sülh və sabitliyə ən böyük əngəl olduğunu bir daha sübut etdi", - deyə Ərdoğan BMT Baş Assambleyasında çıxışı zamanı bildirib.

"Biz Dağlıq Qarabağ münaqişəsi başda olmaqla, regiondakı münaqişələrin Azərbaycanın və Gürcüstanın ərazi bütövlüyü və suverenliyi çərçivəsində BMT və ATƏT-in qətnamələri əsasında mümkün qədər tez həllinin tərəfdarıyıq”, - deyə o əlavə edib.*