2021-ci ilin yanvar-iyun aylarında Azərbaycanda istehlakçılar ümumilikdə 433,9 milyon manat məbləğində (cari məzənnə ilə $255,2 milyon – İF) əczaçılıq məhsulları və tibbi ləvazimatlar alıblar. Bu barədə “İnterfaks-Azərbaycan” agentliyinə Dövlət Statistika Komitəsindən məlumat verilib.

2021-ci ilin yanvar-iyun aylarında Azərbaycanda pərakəndə ticarət dövriyyəsinin ümumi həcmində əczaçılıq məhsulları və tibbi ləvazimatların satışından gəlirlər 2,2% təşkil edib.

Ötən ilin analoji dövrü ilə müqayisədə əczaçılıq məhsulları və tibbi ləvazimatların satışından əldə edilən gəlirlər 35,2% artıb.

Azərbaycanda əczaçılıq məhsullarının satışının artımı COVID-19 infeksiyası ilə əlaqədardır.

Ötən il respublikada əczaçılıq məhsullarının pərakəndə satış həcmi 528,1 milyon manat ($310,6 milyon) təşkil edib.*

N.Abbasova