2021-ci il avqustun 31-nə Azərbaycan Mərkəzi Bankının (AMB) valyuta ehtiyatları $7 milyard 42,6 milyon təşkil edir. Bu barədə AMB-nin saytında dərc olunmuş məlumatda deyilir.
“İnterfaks-Azərbaycan” agentliyinin məlumatına görə, 2020-ci ilin sonuna AMB-nin valyuta ehtiyatları $6 milyard 369,4 milyon təşkil edib. Beləliklə, 2021-ci ilin yanvar-avqust aylarında Mərkəzi Bankın valyuta ehtiyatları 10,6% artıb.
Avqust ayında AMB-nin valyuta ehtiyatları 8,4% və ya $546,1 milyon artıb.
Xəbər verildiyi kimi, 2020-ci ildə Mərkəzi Bankın valyuta ehtiyatları 1,8% artıb.*
X.Nəsirzadə