Rusiya Federasiyası Hərbi Dəniz Donanmasının nümayəndə heyətinin Bakıya səfəri çərçivəsində iki ölkənin hərbi donanmaları arasında hərbi əməkdaşlığın müzakirəsi planlaşdırılır. Bu barədə Azərbaycan Müdafiə Nazirliyi məlumat verir.
“Xəzər flotiliyasının “Astraxan” və “Anatoliy Qujvin” hərbi gəmiləri qeyri-rəsmi dostluq səfəri ilə sentyabrın 18-də Bakıya gəliblər. Səfər çərçivəsində gəmi heyətlərinin Azərbaycan Respublikası Hərbi Dəniz Qüvvələri komandanlığı tərəfindən qəbulu, eyni zamanda iki ölkənin hərbi donanmaları arasında hərbi əməkdaşlığın müzakirə edilməsi nəzərdə tutulub”, - nazirliyin məlumatında qeyd olunur.
Bundan başqa, mədəni və tarixi abidələrlə tanışlıq üçün gəmi heyətlərinin Bakı şəhərində gəzintisi, o cümlədən voleybol üzrə yoldaşlıq görüşünün keçirilməsi planlaşdırılır.
Səfər sentyabrın 20-dək davam edəcək. **
A.Salayeva