Azərbaycan hərbi qulluqçuları Gürcüstanda keçirilən “Eternity-2021” kompüter dəstəkli komanda-qərargah təlimində iştirak edirlər.

“Gürcüstanın Tbilisi şəhərində Azərbaycan, Türkiyə və Gürcüstan hərbi qulluqçularının iştirakı ilə “Eternity-2021” kompüter dəstəkli komanda-qərargah təlimi başlayıb”, - deyə Azərbaycan Müdafiə Nazirliyinin məlumatında bildirilir.

Nəzəri və praktiki hissədən ibarət olan təlimdə üç ölkənin hərbi qulluqçuları və aidiyyəti dövlət qurumlarının nümayəndələri regional iqtisadi layihələrin mühafizəsinin təşkili üzrə tapşırıqları icra edəcəklər.

Təlim oktyabrın 8-dək davam edəcək.*

N.Abbasova