Mədəniyyət Nazirliyi yanında Mədəni irsin qorunması, inkişafı vəbərpasıüzrə Dövlət Xidməti tarixi abidələrin bərpası üzrə layihə-smeta sənədlərinin hazırlanması üşün 3 şirkət cəLb edib.
Həmin şirkətlərlə 672,364 min manat ümumi məbləğdə 7 müqavilə imzalanıb.
“İnterfaks-Azərbaycan” agentliyi www.tender.gov.az saytına istinadən məlumat verir ki, Gədəbəy rayonunda “Qız qalası”, o cümlədən Abşeron rayonu Novxanı qəsəbəsində Şah Suktan Hüseyn məscidinin bəpası üçün layihə-smeta sənədlərinin hazırlanması məqsədilə “NKT-Bərpa” MMC ilə iki müqavilə imzalanıb. İmzalanmış müqavilələrin dəyəri müvafiq olaraq 279,660 min manat və 49,206 min manatdır.
Bakının Nardaran qəsəbəsində yerləşən “Naradaran qalası”, o cümlədən Bakının Mərdəkan qəsəbəsində yerləşən “Kiçik Mərdəkan qalası” üzrə layihə-smeta sənədlərinin hazırlanması məqsədilə “Himmen Construction” MMC ilə iki müqavilə imzalanıb. İmzalanmış müqavilələrin dəyəri müvafiq olaraq 39,884 min manat və 39,648 min manatdır.
“Azin Construction” MMC ilə imzalanmış üç müqavilənin predmeti “Qədim Şəmkir şəhəri” qədim abidə (orta əsrlər), həmçinin Gədəbəy rayonunun Səbət keçməz kəndində yerləşən “Körpü №1”, o cümlədən Bərdə rayonunun Şirvanlı kəndinə yerləşən hama üzrə layihə-smeta sənədlərinin hazırlanmasıdır. Bu müqavilələrin dəyəri müvafiq olaraq 179,714 min manat, 29,146 min manat və 55,106 min manat təşkil edir. **
X.Nəsirzadə