Şənbə günü Müdafiə Nazirliyi Azərbaycanın Qarabağ regionunda Şuşa şəhəri ətrafında kəşfiyyat məqsədli uçuşlar həyata keçirən qanunsuz erməni silahlı dəstələrinə məxsus kvadrakopterin ələ keçirilməsi barədə məlumat verib.

“Avqustun 13-ü saat 10:30 radələrində Rusiya sülhməramlılarının müvəqqəti yerləşdirildiyi Azərbaycan ərazisindəki qanunsuz erməni silahlı dəstələrinə məxsus kvadrokopter Şuşa şəhəri ətrafında bölmələrimizin mövqeləri üzərində kəşfiyyat məqsədli uçuşlar həyata keçirməyə cəhd göstərib”, - nazirliyin məlumatında deyilir.

Müdafiə Nazirliyindən bildirilib ki, “bölmələrimizin sayıqlığı nəticəsində vaxtında aşkar edilən kvadrokopter xüsusi üsulla endirilərək ələ keçirilib”. **

R.Kərimov