Azərbaycan Respublikasının Prezidenti İlham Əliyev və Avropa İttifaqı Şurasının Prezidenti Şarl Mişel bu gün telefon danışığı zamanı regionda davamlı sülhün təmin olunması, gərginliyin aradan qaldırılması və əldə olunmuş atəşkəs razılaşmasının təmin edilməsi ilə bağlı məsələləri müzakirə ediblər.
“Telefon söhbəti zamanı regionda davamlı sülhün təmin olunması, gərginliyin aradan qaldırılması, əldə olunmuş atəşkəs razılaşmasının təmin edilməsi və Ermənistan-Azərbaycan münasibətlərinin normallaşdırılması prosesi ilə bağlı fikir mübadiləsi aparılıb”, - deyə Azərbaycan liderinin mətbuat xidmətindən bildirilib.
Telefon danışığı Şarl Mişelin təşəbbüsü ilə baş tutub.*
R.Kərimov