SOCAR şirkəti (Azərbaycan Dövlət Neft Şirkəti – ARDNŞ ) 2015-ci ilə respublikada fəaliyyət göstərən neft-kimya və neft emalı müəssisələrinin inkişafı üzrə işləri başa çatdırmağı planlaşdırır. Bu barədə SOCAR şirkətinin emal üzrə vitse – prezidenti Davud Məmmədov çərşənbə axşamı Bakıda “Azərbaycanda neft-qaz emalı və neft-kimya kompleksinin inşası ilə bağlı forum”da çıxış edərkən bildirib.
“2012-ci ildə Bakı Neft Emalı Zavodunda neftin ilkin emalı üzrə qurğunun istehsal gücünün artırılması üzrə işlərə başlamaq planlaşdırılır.Bu işlər 2014-cü ilə qədər başa çatdırılmalıdır.Hazırda layihənin texniki-iqtisadi əsaslandırılması hazırlanır. İşlərin podratçısı müəyyənləşdirilib və biz qısa müddətdə “Foster Wheeler” şirkəti ilə müqavilə imzalayacağıq”,- deyə D.Məmmədov söyləyib.
Bundan başqa, Bakı Neft Emalı Zavodunda kataliz - krekinq qurğusunun yenidən qurulması üzrə işlərə başlamaq planlaşdırılır. Bu işlərin aparılmasında məqsəd benzinin keyfiyyət göstəricilərini yaxşılaşdırmaqdır. ”Layihə Amerikanın UOP şirkəti tərəfindən hazırlanır.İşlərə 2012-ci ildə başlanılacaq , 2014-cü ildə başa çatdırılacaq.İşlərin aparılması üzrə müqavilə də yaxın zamanlarda imzalanacaq”,- deyə o qeyd edib.
D.Məmmədov əlavə edib ki, bununla yanaşı, dizel istehsalının həcminin artırılması üzrə işlərin aparılması planlaşdırılır. Bu işlər 2012-ci ildə başlanacaq , 2013-cü ildə başa çatacaq .
Şirkətin vitse-prezidenti söyləyib ki, “Azərneftyağ” zavodunda yenidənqurma işlərinin əsas hissəsi aparılıb. Hazırda zavodda elektrik enerjisi xərclərinin azaldılması istiqamətində iş gedir .”Bu işlər yeni neft – qaz emalı və neft-kimya kompleksi istifadəyə verilənə qədər neft emalı müəssisələrinin normal fəaliyyətini təmin etmək üçün aparılır”,- deyə o vurğulayıb.
Xəbər verildiyi kimi, kompleksin ümumi sahəsi 1500 hektar təşkil edəcək və 2018-2020-ci illərdə istismara verilməsi planlaşdırılır. İlkin olaraq istehsal gücü 10 mlrd. kubmetr olan qaz emalı kompleksi istismara veriləcək. Burada Dövlət Neft Şirkətinin yataqlarından qazın, “Azəri-Çıraq-Günəşli” yataqlar blokundan səmt qazının və lazım gəldikdə, “Şahdəniz” yatağından hasil olunan və SOCAR-ın payına düşən qazın emalı həyata keçiriləcək.
İkinci mərhələdə neft-kimya kompleksi, daha sonra istehsal gücü 10 mln. ton təşkil edən neft emalı zavodu istismara veriləcək. NEZ-də A-92, A-95 və A-98 markalı benzin, reaktiv mühərrik və dizel yanacağı istehsalının təşkili nəzərdə tutulur.
Bu layihənin icrasına xarici investorların cəlb edilməsi planlaşdırılır. Layihəyə qoyulan sərmayələrin özünü ödəmə müddəti 6-7 il təşkil edəcək. Layihə xərcləri $13-15 mlrd. civarında qiymətləndirilir.
Layihənin texniki-iqtisadi əsaslandırması Technip, Foster Wheeler AG, UOP şirkətlərinin iştirakı ilə hazırlanıb.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
AccessBank Masallıda filialının açılması ilə regional şəbəkəsini genişləndirir
AccessBank BMT-nin Qlobal Sazişinə qoşulub
AccessBank 2024-cü ilin 1-cü rübü üzrə maliyyə nəticələrini açıqlayıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət