Heydər Əliyev Fondunun təşkilatçılığı ilə keçirilən IV Qəbələ Beynəlxalq Musiqi Festivalı çərçivəsində daha bir möhtəşəm konsert keçirilib. Bu barədə “İnterfaks-Azərbaycan” agentliyinin regional müxbiri məlumat verib.
Konsertdə “Moskva solistləri” kamera orkestri Moskva Dövlət Filarmoniyasının bədii rəhbəri, P.Çaykovski adına Moskva Dövlət Konservatoriyasının kafedra müdiri, Rusiyanın xalq artisti, bəstəkar Aleksandr Çaykovskinin xüsusi olaraq Qəbələ IV Beynəlxalq Musiqi Festivalı üçün hazırladığı “Xocalı” matəm musiqisini təqdim edib.
Regional müxbirin məlumatına əsasən, əsərin təqdimatı böyük uğurla keçirilib. Konsert “Yeni Rusiya” Dövlət Simfonik Orkestrinin bədii rəhbəri və baş dirijoru, “Moskva solistləri” kamera orkestrinin yaradıcısı Yuri Başmet, xalq artisti Fərhad Bədəlbəyli (piano), məşhur violonçel ifaçısı Dmitri Yablonski, əməkdar artist tarzən Sahib Paşazadə ifa edib.
Konsertin ikinci hissəsində bəstəkar V.A.Mozart, T.Takemitsu, İ.Stravinski, D.Şostakoviç, Y.Benda, A.Vivaldi və A.Şnitkenin əsərləri ifa olunub.
Ü.Hacıbəyli adına Bakı Musiqi Akademiyasının rektoru, xalq artisti Fərhad Bədəlbəyli festival çərçivəsində mətbuat konfransı çərçivəsində məlumat verib ki, “Xocalı” yalnız Dağlıq Qarabağın Xocalı şəhərindən dinc azərbaycanlıların məhv edilməsinə deyil, həm də bütün dünyada soyqırım qurbanlarına həsr edilib. Musiqiçinin sözlərinə görə, gələcəkdə bu əsər dünyanın müxtəlif ölkələrində ifa olunacaq. “Mən əslən Qarabağlıyam, Şuşada anadan olmuşam. Lakin, bu torpaq ermənilər tərəfindən işğal edildiyinə görə, doğma şəhərimə səfər edə bilmirəm. Təəssüflər olsun ki, bəzi dövlətlər regionda sülh üçün deyil, millətlərarası düşmənçiliyin qızışdırılması üçün çalışırlar. Biz, musiqiçilər, bunun əleyhinəyik”, - deyə F.Bədəlbəyli bildirib.
P.Çaykovski adına Moskva Dövlət Konservatoriyasının kafedra müdiri, Rusiyanın xalq artisti, bəstəkar A.Çaykovski öz növbəsində bildirib ki, “Xocalı” əsəri bu şəhərdə baş verən faciənin təsiri altında yazılıb. “Bu musiqi festivalın bütün tamaşaçılarına, həmçinin dünya ictimaiyyətinə müharibə fəlakətlərini yaşayan insanların vəziyyətini anlamağa yardım edəcək. Ümid edirəm ki, bu əziyyətlərə və qırğına son qoyulacaq”, - deyə A.Çaykovski bildirib.
Xocalı şəhərində dinc sakinlərin kütləvi qətlə yetirilməsi Qarabağ müharibəsinin ən faciəvi hadisələrindən biridir. 1992-ci il fevralın 25-dən 26-na keçən gecə erməni silahlı birləşmələri keçmiş SSRİ-nin Xankəndi şəhərində yerləşdirilən 366-cı motoatıcı alayının ağır texnika və şəxsi heyətinin dəstəyi ilə Xocalını zəbt ediblər. Qadınlar, qocalar, əlillər, uşaqlar vəhşicəsinə öldürülüb. İndiyədək görünməmiş qəddarlıq nəticəsində adları məlum olan 613 nəfər qətlə yetirilib, onlardan 106 nəfəri qadın, 63-ü azyaşlı uşaq, 70-i qocalardır, 487 nəfər əlil olub, 1275 nəfər əsir götürülüb, 150 nəfər isə itkin düşüb.
Nağıyev: “Fransa Ermənistanı yeni müharibəyə təhrik edir”
Bakı Rasmusseni NATO-nun keçmiş baş katibi statusundan sui-istifadə etməkdə ittiham edir
Dövlət Xidməti və Macarıstan Rəqabət Qurumu arasında Anlaşma Memorandumu imzalanıb
Azərbaycan sentyabrda Türkiyənin üç şəhərinə ixrac missiyası təşkil edəcək
Çin yanvar-fevral aylarında Azərbaycana $13 milyona yaxın məbləğdə smartfon ixrac edib
İKZF istiqrazların yerləşdirilməsindən 40 milyon manat cəlb edib
DTX 2023-cü ildə dövlətə xəyanətlə bağlı 27 cinayət işinin ibtidai istintaqını aparıb
“Crocus City Hall”da törədilən terror aktında ölənlərin sayı 143 nəfərə çatıb
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
Azərbaycan “Accor” qrupu üçün əsas inkişaf bazarlarından biridir
NEQSOL Holding Udemy Business ilə tərəfdaşlığa başlayır
Yelo Bank Xocavənddə yaşayan şəhid ailələrini Novruz sovqatları ilə sevindirib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət