Azərbaycan Beynəlxalq Bankı (ABB) səhmdarlara dividendlərin ödənilməsi üçün bölünməmiş xalis mənfəətdən 15 mln. manat yönəldə bilər. Bu barədə jurnalistlərə cümə günü ABB İdarə Heyətinin sədri Cahangir Hacıyev məlumat verib.
“Bazar ertəsi bankın Müşahidə Şurasının iclası keçiriləcək. İclasda 53 mln. manat məbləğində bölünməmiş xalis mənfəətin istifadəsi məsələsi müzakirə olunacaq. Biz səhmdarlara dividendlərin ödənilməsi üçün 15 mln. manat yönəltməyi təklif edirik”, - deyə C.Hacıyev bildirib.
ABB rəhbərinin sözlərinə görə, bu məbləğin qalan hissəsi bölünməmiş xalis mənfəət şəklində qalacaq ki, bu da “gələcəkdə bankın kapitallaşmasına müsbət təsir göstərəcək”. “Ümumilikdə, bankın nizamnamə kapitalının artırılmasına dair qərar səhmdarlar tərəfindən qəbul edilməlidir”, - deyə o söyləyib.
Hazırda bankın nizamnamə kapitalı 340 mln. manata bərabərdir.
ABB-nin özəlləşdirilməsi məsələsinə toxunan C.Hacıyev bildirib ki, “bu məsələdə tələsmək olmaz, yəni özəlləşdirmə xatirinə özəlləşdirmək olmaz”.
Bununla yanaşı, o əlavə edib ki, müsbət inkişaf dinamikası, həmçinin maliyyə göstəricilərinin artması ABB-nin dəyərinə təsir göstərir.
C.Hacıyev əlavə edib ki, ABB islam bankinqinin inkişaf etdirilməsi məqsədi ilə beynəlxalq islam institutlarından artıq $60-70 mln. vəsait cəlb edib. “ABB-nin törəmə strukturu olan “Joint Leasing” şirkəti də islam maliyyələşməsi sahəsində aktiv fəaliyyətə başlayıb”, - deyə o vurğulayıb.
Azərbaycan Beynəlxalq Bankı 1992-ci ildə təsis edilib və Azərbaycanın ən iri bankıdır. Hazırda bankın səhmlərinin 50,2%-i dövlətə, 49,8%-i özəl səhmdarlara məxsusdur. ABB-nin səhmdarları 14 hüquqi və 1556 fiziki şəxsdir.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
AccessBank BMT-nin Qlobal Sazişinə qoşulub
AccessBank 2024-cü ilin 1-cü rübü üzrə maliyyə nəticələrini açıqlayıb
Yelo Bank birinci rübü 14 milyon manat xalis mənfəətlə yekunlaşdırıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət