Bu gün Bakıda Heydər Əliyevin 90 illik yubileyinə həsr olunmuş beynəlxalq yazı müsabiqəsinin yekunları üzrə mükafatlandırma mərasimi keçirilib. Bu barədə “İnterfaks-Azərbaycan” agentliyinin müxbiri tədbirdən məlumat verir.
Müsabiqə Azərbaycan Prezidenti yanında QHT-lərə Dövlət Dəstəyi Şurası tərəfindən təşkil edilib.
Dövlətçiliyimizin bərpa edilməsində Heydər Əliyevin rolu barədə danışan Şura sədri Azay Quliyev deyib ki, müsabiqə iştirakçıları arasında Gürcüstan, Rusiya, Ukrayna, Rumıniya Qazaxıstan və Türkiyədən jurnalist və publisistlər iştirak edirlər. “Heydər Əliyev bütün bu ölkələrə dəfələrlə səfər edib, diplomatik əlaqələr qurub və bu ölkələrin vətəndaşlarının Heydər Əliyevlə bağlı çoxlu xoş xatirələri var”, - deyə o, mərasimdə çıxışı zamanı qeyd edib.
Onun sözlərinə görə, Heydər Əliyevin uğurları yalnız Azərbaycanda deyil, ölkənin hüdudlarından kənarda da tanınırdı. Buna görə də müsabiqənin beynəlxalq səviyyədə keçirilməsinə qərar verildi.
“Münsiflərə təqdim edilən işləri qiymətləndirmək asan olmadı, lakin ədalətli qərar verildi”,- deyə A.Quliyev əlavə edib.
Müsabiqənin yekunlarına əsasən, baş mükafata “Mənim Heydər Əliyevlə tanışlığım” məqaləsinin müəllifi, Gürcüstan Aqrar Universitetinin məzunu Tamriko Şakaya layiq görülüb. Həmçinin Alma Saqınvali (Qazaxıstan), Xoriya Razvan Qarbeya (Rumıniya) Aleksandr Karavayev (Rusiya), Gözdə Kılıç Yaşın (Türkiyə) və Anastasiya Nikolayeva (Ukrayna) da mükafatlandırılıblar.
Münsiflər heyətinin tərkibinə Milli Məclisin deputatı Elmira Axundova, “İnterfaks-Azərbaycan” agentliyinin direktoru Aleksandr İvanov, “Azəri press” holdinqinin prezidenti Vüsalə Mahirqızı, Azərbaycan Jurnalistlər İttifaqının baş katibi, Bakı Dövlət Universitetinin kafedra müdiri Ramiz Əsgər, “İki sahil” qəzetinin baş redaktoru Vüqar Rəhimzadə, “1news.az” İnformasiya Agentliyinin direktoru Rəhman Hacıyev daxildir.
Diplomçular arasında “Moskovskiy komsomoleç” qəzetinin siyasi icmalçısı Aleksandr Budberq, eləcə də TASS agentliyində müxbir işləyərkən dəfələrlə Heydər Əliyevlə görüşmüş, ölkədaxili və xarici səfərlərində onu müşayət etmiş Valeri Calaqoniya da var idi.
Diplomları təqdim edən “İnterfaks-Azərbaycan” agentliyinin direktoru Aleksandr İvanov bildirib ki, uzun illər Heydər Əliyevin yanında olmuş insan kimi 70-ci illərdə onun Azərbaycanda KİV-lərin banisi olduğunu əminliklə söyləyə bilər. “Heydər Əliyev xaricə səfərlərdə onu müşayət edən peşəkar jurnalistlər komandası toplamışdı”,- deyə A.İvanov bildirib.
A.İvanov bu gün Rusiyanın istifadə etdiyi BAM (Baykal-Amur Magistralının) tikintisində Heydər Əliyevin rolu barədə də danışıb.
Tədbirdə çıxış edən Prezident Administrasiyasının sektor müdiri Fuad Axundov A.Budberqin “Qorxmaz insan” məqaləsini xüsusi qeyd edib. O bildirib ki, məqalənin müəllifi hazırda xəstədir və reanimasiyadadır, lakin Heydər Əliyev haqqında məqalənin yazılması ilə bağlı müsabiqədə iştirak edəcəyi xəbəri onu sevindirib.
“Biz A.Budberqlə daim yazışırdıq, o, Rusiyanın ən yaxşı publisistlərindən biridir”, - deyə F.Axundov vurğulayıb.
O əlavə edib ki, A.Budberq Azərbaycanı ikinci vətəni hesab edir.
Tədbirdə çıxış edən Prezident Administrasiyasının İctimai-siyasi məsələlər şöbəsinin müdiri Əli Həsənovun sözlərinə görə, bu tədbirin təşkil edilməsi bir daha sübut edir ki, Heydər Əliyev şəxsiyyəti respublikanın hüdudlarından kənarda tanınır və qiymətləndirilir.
“Heydər Əliyevin fəaliyyəti yalnız Azərbaycan üçün deyil, bütün region, bütün Avrasiya üçün əhəmiyyətlidir. O, Qərblə Şərq arasında siyasi, iqtisadi, sosial və mədəni sahələrdə körpü rolunu oynayırdı”,- deyə Ə.Həsənov bildirib.
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət