Rusiyanın Azərbaycandakı səfiri Vladimir Doroxin bəyan edir ki, Ermənistanın işğal etdiyi Kəlbəcər rayonunda ermənilər tərəfindən girov götürülən azərbaycanlılar arasında Rusiya Federasiyasının vətəndaşları yoxdur.
Xatırladaq ki, Milli Məclisin vitse-spikeri Bahar Muradova Kəlbəcər rayonu ərazisində ermənilər tərəfindən girov götürülmüş 3 azərbaycanlıdan birinin Rusiya vətəndaşı olmasına baxmayaraq, Moskvanın buna reaksiya verməməsi ilə əlaqədar Rusiyanı tənqid edib. Səfir bununla bağlı vurğulayıb ki, həmin şəxslər arasında Rusiya vətəndaşları olmayıb.
“Rəsmi olaraq Sizə məlumat verirəm ki, orada saxlanılan şəxslərin heç biri Rusiya Federasiyasının vətəndaşı deyil”, - deyə V.Doroxinin səfirliyin rəsmi saytında dərc edilmiş məktubunda deyilir.
3 nəfər azərbaycanlı - Şahbaz Quliyev, Dilqəm Əhmədov və Həsən Həsənov (sonuncunun həyatda olması və ya ölməsinə dair müxtəlif məlumatlar var) bu il iyulun 10-da işğal altında olan Kəlbəcər rayonu ərazisində Ermənistan silahlı qüvvələri tərəfindən girov götürülüb. Ermənistanın informasiya resursları iddia edirlər ki, bu şəxslər Azərbaycanın kəşfiyyat-diversiya qrupunun üzvləridir.
Azərbaycanın Müdafiə Nazirliyi isə onların respublikanın Silahlı Qüvvələrinə heç bir aidiyyətinin olmaması barədə bəyanat yayıb.
Beynəlxalq Qızıl Xaç Komitəsinin bəyanatına əsasən, təşkilat girov götürülən azərbaycanlılarla görüşün təşkil edilməsi üçün erməni tərəfi ilə danışıqlar aparır. Lakin BQXK-nın Ermənistan hakimiyyətinə müraciəti indiyədək heç bir nəticə verməyib.
Yayılan məlumata görə, D.Əhmədov Rusiya Federasiyasının vətəndaşıdır.
F.İsazadə
Azərbaycan sentyabrda Türkiyənin üç şəhərinə ixrac missiyası təşkil edəcək
Çin yanvar-fevral aylarında Azərbaycana $13 milyona yaxın məbləğdə smartfon ixrac edib
İKZF istiqrazların yerləşdirilməsindən 40 milyon manat cəlb edib
DTX 2023-cü ildə dövlətə xəyanətlə bağlı 27 cinayət işinin ibtidai istintaqını aparıb
“Crocus City Hall”da törədilən terror aktında ölənlərin sayı 143 nəfərə çatıb
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
Azərbaycan “Accor” qrupu üçün əsas inkişaf bazarlarından biridir
NEQSOL Holding Udemy Business ilə tərəfdaşlığa başlayır
Yelo Bank Xocavənddə yaşayan şəhid ailələrini Novruz sovqatları ilə sevindirib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət