Monteneqronun baş naziri Milo Cukanoviç SOCAR-ın (Azərbaycan Respublikası Dövlət Neft Şirkəti, ARDNŞ) gələcəkdə Monteneqronun qazlaşdırılması prosesində iştirakına ümidvar olduqlarını bildirib.
AZƏRTAC dövlət informasiya agentliyinin məlumatına görə, M.Cukanoviç bu fikri Bakıda Azərbaycanın iqtisadiyyat və sənaye naziri Şahin Mustafayev və SOCAR-ın prezidenti Rövnəq Abdullayevlə görüş zamanı səsləndirib.
O, SOCAR-ın Albaniyada qaz şəbəkəsinin yaradılmasında iştirakının əhəmiyyətini qeyd edib.
Baş nazir Azərbaycanın “Cənub” qaz dəhlizinin inkişafında fəal rolunu yüksək qiymətləndirib. O qeyd edib ki, Monteneqro “Cənub” qaz dəhlizi layihəsinin Avropa hissəsini təşkil edən “Trans-Adriatik” (TAP) qaz boru kəmərinin genişləndirilməsində və TAP-la bu ölkəyə də Azərbaycan qazının çatdırılmasında maraqlıdır.
R.Abdullayev bildirib ki, Azərbaycanın “Şahdəniz-2” yatağından hasil edilən qazı Avropaya nəql edəcək “Cənub” qaz dəhlizi layihəsi çərçivəsində işlər uğurla davam etdirilir.
Ş.Mustafayev Azərbaycan-Monteneqro əməkdaşlığının genişləndirilməsində hər iki ölkənin prezidentlərinin qarşılıqlı səfərlərinin mühüm rol oynadığını deyib, Hökumətlərarası Birgə Komissiyanın bu əlaqələrin inkişafındakı rolundan danışıb. Bildirib ki, Azərbaycan ilə Monteneqronun müqavilə-hüquq bazası var və bu vaxtadək iki ölkə arasında 11 sənəd imzalanıb.
Ş.Mustafayev ölkələrimiz arasında ticarət, qeyri-neft məhsullarının ixracı, investisiya, infrastruktur layihələrinin həyata keçirilməsində iştirak, tranzit yükdaşımaları, Bakı-Tbilisi-Qars, Bakı Beynəlxalq Dəniz Ticarət Limanı, turizm sahələrindəki əməkdaşlıqdan da söhbət açıb. Söhbət zamanı İKT və enerji sahələri, AZPROMO ilə əməkdaşlıq və hava əlaqələrinin genişləndirilməsi məsələləri də müzakirə olunub.
A.Axundov
Nağıyev: “Fransa Ermənistanı yeni müharibəyə təhrik edir”
Bakı Rasmusseni NATO-nun keçmiş baş katibi statusundan sui-istifadə etməkdə ittiham edir
Dövlət Xidməti və Macarıstan Rəqabət Qurumu arasında Anlaşma Memorandumu imzalanıb
DTX 2023-cü ildə dövlətə xəyanətlə bağlı 27 cinayət işinin ibtidai istintaqını aparıb
“Crocus City Hall”da törədilən terror aktında ölənlərin sayı 143 nəfərə çatıb
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
Azərbaycan “Accor” qrupu üçün əsas inkişaf bazarlarından biridir
NEQSOL Holding Udemy Business ilə tərəfdaşlığa başlayır
Yelo Bank Xocavənddə yaşayan şəhid ailələrini Novruz sovqatları ilə sevindirib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət