Azərbaycanda qablaşdırma sənayesi sahəsində fəaliyyət göstərən şirkətlər assosiasiya təsis ediblər.
"Qablaşdırma Sənayesi Assosiasiyasının yaradılması ölkədə bu sahənin inkişafında və idxaldan asılılığın azaldılmasında əhəmiyyətl rol oynayacaq", - deyə iqtisadiyyat nazirinin müavini Sahib Məmmədov bu gün assosiasiyanın təsis yığıncağında bildirib.
O, Azərbaycanda yerli sahibkarların tələbatını təmin etmək üçün kifayət həcmdə qablaşdırma məhsulunun istehsal olunmadığını qeyd edib.
"Plastik, karton qablaşdırmanın istehsalında müəyyən çatışmazlıqlar var və bu səbəbdən biz bəzən idxaldan asılı oluruq", - deyə nazir müavini vurğulayıb.
O əlavə edib ki, bu istiqamətdə vəziyyətin yaxşılaşdırılması üçün assosiasiyanın hazırladığı bütün təkliflər baxılmaq üçün hökumətə təqdim ediləcək.
S.Məmmədov müxtəlif sahələrdə yaradılan və ölkənin iqtisadi inkişafına təkan verən assosiasiyaların effektiv fəaliyyət göstərdiyini diqqətə çatdırıb.
Sahibkarlar (İşəgötürənlər) Təşkilatları Milli Konfederasiyasının vitse-prezidenti Vüqar Zeynalov sahibkarları müasir texnologiyalardan daha fəal istifadə etməyə çağırıb. "İqtisadiyyatın dinamik inkişafı sahibkarlardan zamanla ayaqlaşmağı tələb edir. Assosiasiyanın rolu, həmçinin hər il sənaye sahəsində yenilənmə tələb edən müasir texnologiyaların vaxtında tətbiqini təmin etməkdən ibarətdir", - deyə o vurğulayıb.
"Tuna" şirkətinin rəhbəri Rəşid Çulaqov Azərbaycanda qablaşdırma məhsullarının istehsalı ilə məşğul olan müəssisələrin sayının kifayət qədər olmadığını deyib. "Azərbaycanda qablaşdırma məhsullarının istehsal olunduğu fabriklərin sayı az olduğu üçün biz özümüzü bu məhsulla tam həcmdə təmin edə bilmirik", - deyə qeyd edib.
Onun sözlərinə görə, Azərbaycan məhsullarının təşviqi məqsədi ilə beynəlxalq sərgilərdə daha fəal şəkildə iştirak etmək lazımdır.
"Kartonpak" MMC-nin rəhbəri Kamran Hacızadə yerli qablaşdırma məhsullarına tələbatın az olduğunu diqqətə çatdırıb. "Ölkəyə böyük həcmdə Türkiyə və Rusiya istehsalı olan qablaşdırma məhsulları idxal edilir. Bundan isə yerli istehsalçılar əziyyət çəkir və onların məhsuluna tələbat olmur. Bu məsələ ilə bağlı vəziyyəti köklü şəkildə dəyişmək və yerli sahibkarlığı dəstəkləmək lazımdır", - deyə o əlavə edib.
Şirkətin rəhbəri ölkədə şüşə, plastik və karton qablaşdırma istehsalının normal qaydada inkişaf etdiyini bildirib. "Ancaq hər bir qablaşdırma müəssisəsi öz problemlərini böyük səylər göstərməklə təkbaşına həll etməyə məcburdur. Ümid edirəm ki, assosiasiyanın yaradılması bu kimi məsələlərin həllinin sadələşdirilməsinə və daxili istehsalın inkişafına kömək edəcək", - deyə K.Hacızadə vurğulayıb.*
R.Babayev
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
AccessBank Masallıda filialının açılması ilə regional şəbəkəsini genişləndirir
AccessBank BMT-nin Qlobal Sazişinə qoşulub
AccessBank 2024-cü ilin 1-cü rübü üzrə maliyyə nəticələrini açıqlayıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət