Milli Məclisin bu gün keçirilən plenar iclasında 2018-ci il dövlət büdcəsində gəlir və xərclərin artırılmasını nəzərdə tutan dəyişikliklər qəbul edilib.
Maliyyə naziri Samir Şərifov iclasda qeyd edib ki, dövlət büdcəsinə dəyişikliklərin edilməsinin səbəblərindən biri neftin qiymətinin yüksək olması ilə əlaqədardır.
“2018-ci il dövlət büdcəsində bir barel neftin qiyməti 45 dollardan hesablanıb, lakin yanvar-may aylarında neftin bir barelinin orta qiyməti 71,5 dollar təşkil edib. Buna görə biz neftin bir barelinin qiymətinin 55 dollara çatdırılmasını təklif edirik", - deyə o bildirib.
Nazirin sözlərinə görə, nəticədə dövlət büdcəsinin mənfəət vergisi üzrə əlavə gəlirləri 500 mln. manat, Dövlət Neft Fondunun gəlirləri isə 5,6 mlrd. manat təşkil edəcək.
S.Şərifov qeyd edib ki, dəyişikliklər dövlət büdcəsinin gəlir hissəsinin 2 mlrd. 22 mln. manat və ya 10% - 22 mlrd. 149 mln. manatadək artırılmasını nəzərdə tutur. Dövlət büdcəsinin xərc hissəsi 2 mlrd. 53 mln. manat və ya 9,8% - 23 mlrd. 100 mln. manatadək artırılacaq.
Dövlət büdcəsinin kəsiri 951 mln. manat və ya ÜDM-nin 1,3%-ni təşkil edəcək.
O vurğulayıb ki, əlavə gəlirlərin strukturunda 785 mln. manat Dövlət Gömrük Komitəsinin xətti ilə, 1 mlrd. 750 mln. manat Dövlət Neft Fondundan transfertlərin artması, qalan məbləğ isə sair gəlirlərin hesabına təmin olunacaq. Vergilər Nazirliyi üçün plan 527 mln. manat azaldılır. "Bu, onunla əlaqədardır ki, vergi ödəyiciləri tərəfindən müəyyən vergi növləri üzrə avans ödənişləri həyata keçirilib və hazırda onların əvəzləşdirilməsi zərurəti yaranıb", - deyə S.Şərifov bildirib.
Maliyyə naziri əlavə edib ki, dövlət büdcəsinin əlavə xərclərinin strukturunda 166 mln. manat müdafiə və təhlükəsizliklə bağlı tədbirlərə, 180 mln. manat sosial məqsədlərə yönəldiləcək. Bundan başqa, SOCAR-ın ehtiyaclarına dövlət büdcəsindən 963 mln. manat, “Azərenerji” ASC-nin kapitalının artırılmasına 81 mln. manat, “Azərbaycan Dəmir Yolları” (ADY) QSC-nin kapitalının artırılmasına isə 100 mln. manat ayrılacaq.
Dövlət büdcəsindən ərzaq təhlükəsizliyinin təminatı ilə bağlı tədbirlərə əlavə 98 mln. manat, yol infrastrukturunun yaxşılaşdırılmasına 39 mln. manat, Fövqəladə Hallar Nazirliyinin Dövlət Yanğından Mühafizə Xidmətinin maddi-texniki bazasının yaxşılaşdırılmasına 20 mln. manat, turizmin inkişafına 20 mln. manat, regionlarda abadlıq işləri ilə bağlı tədbirlərə 21 mln. manat, Bakı şəhərinin yeni Baş Planının hazırlanmasına 9 mln. manat, dövlət strukturlarının büdcədənkənar xərclərinin artırılmasına 39 mln. manat yönəldiləcək.
Əlavə xərclərin strukturunda müəyyən vəsait (261 mln. manat - İF) dövlət kapital qoyuluşları çərçivəsində müxtəlif layihə və proqramların maliyyələşdirilməsinə yönəldiləcək.
Azərbaycanın 2018-ci il dövlət büdcəsinin gəlirləri 20 mlrd. 127 mln. manat, xərcləri 21 mlrd. 47 mln. manat məbləğində təsdiqlənib. Dövlət büdcəsinin kəsiri 920 mln. manat və ÜDM-nin 1,3%-i səviyyəsində proqnozlaşdırılır.*
A.Əzizov
Nağıyev: “Fransa Ermənistanı yeni müharibəyə təhrik edir”
Bakı Rasmusseni NATO-nun keçmiş baş katibi statusundan sui-istifadə etməkdə ittiham edir
Dövlət Xidməti və Macarıstan Rəqabət Qurumu arasında Anlaşma Memorandumu imzalanıb
Yanvar-fevral aylarında İstanbula turist axını 8% artıb
DTX 2023-cü ildə dövlətə xəyanətlə bağlı 27 cinayət işinin ibtidai istintaqını aparıb
“Crocus City Hall”da törədilən terror aktında ölənlərin sayı 143 nəfərə çatıb
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
Azərbaycan və Ermənistan parlamentlərinin sədrləri mayda görüşəcəklər
Ağ Ev İsrail və Livanı sərhəddə vəziyyəti dərhal normallaşdırmağa çağırıb
Ağ Ev: “Crocus City Hall”da terror aktına görə yalnız İŞİD məsuliyyət daşıyır
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
Azərbaycan “Accor” qrupu üçün əsas inkişaf bazarlarından biridir
NEQSOL Holding Udemy Business ilə tərəfdaşlığa başlayır
Yelo Bank Xocavənddə yaşayan şəhid ailələrini Novruz sovqatları ilə sevindirib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət