AccessBank-ın Azərbaycan Dövlət İqtisad Universiteti (UNEC) ilə birgə reallaşdırdığı və ingilis dilinin biznes istiqamətinin tədrisini nəzərdə tutan "UNEC Business English Conversation Club" layihəsinin bağlanış mərasimi keçirilib.
Bağlanış mərasimində çıxış edən UNEC-in Maliyyə və mühasibat fakültəsinin dekanı Gəray Musayev qeyd edib ki, layihə olduqca effektiv olub: "Bildiyiniz kimi, "UNEC Business English Conversation Club" ilk dəfə həyata keçiriləndə özündən söz etdirə bildi və bu səbəbdən layihənin davamlı olmasına qərar verildi. Mən layihənin reallaşdırılmasında əziyyəti keçən hər kəsə təşəkkürümü bildirirəm. "UNEC Business English Conversation Club" tələbələrimizə çox şey qazandırdı. Əldə olunan razılığa əsasən, bəzi tələbələrimiz AccessBank-ın müxtəlif departamentlərində təcrübə keçəcəklər. Bunun üçün AccessBank-ın komandasına xüsusi təşəkkürümü bildirirəm".
UNEC-in Daxili audit şöbəsinin müdiri Hikmət Babayev isə qeyd etdi ki, "UNEC Business English Conversation Club" adıçəkilən ali təhsil ocağının AccessBank ilə əməkdaşlığını daha da dərinləşdirdi. "Mən tələbələrin bu layihəyə necə yanaşdığının şəxsən şahidi olmuşam. Təbii ki, bu yanaşma layihənin effektivliyindən xəbər verir. Şübhə etmirəm ki, AccessBank bizi bu cür layihələrlə gələcəkdə də sevindirməyə davam edəcək və tələbələrimiz yeni biliklər əldə etməsi üçün öz töhfəsini əsirgəməyəcək", - deyə o vurğulayıb.
AccessBank-ın Korporativ bankçılıq/Marketinq departamentinin direktoru Günay Cəlilova isə bildirib ki, "UNEC Business English Conversation Club" layihəsi özünü doğrultmuş bir layihə kimi yaddaşlarda qalacaq: "AccessBank-ın bu il üzrə Korporativ Sosial Məsuliyyət siyasətinin əsas istiqaməti kimi təhsil sahəsi götürülmüşdü. 2018-ci ildə bu istiqamətdə reallaşdırdığımız layihələr olduqca uğurlu olub və "UNEC Business English Conversation Club" bunun bariz nümunələrindən biridir. Təsadüfi deyil ki, AccessBank Azərbaycan Banklar Assosiasiyası tərəfindən bu il "Ən fəal təhsil dəstəkçisi" seçilib. Bundan başqa, AccessBank-ın elan etdiyi Tələbə Təqaüd Proqramının qalibi olan 10 nəfərdən 3-ü UNEC tələbəsidir ki, bu da universitetdəki təhsilin səviyyəsindən xəbər verir".
Departament rəhbərinin sözlərinə görə, adıçəkilən layihə gələn il yeni formatda və başqa ad altında reallaşdırılacaq.
Layihənin rəhbəri, UNEC-in "İngilis dili" kafedrasının dosenti Xavər Hacıyeva qeyd edib ki, bu layihədən həm təşkilatçılar, həm iştirakçılar qazandı: "Sözsüz ki, ən böyük qazanc tələbələrin əldə etdiyi yeni biliklərdir. Təbii ki, əldə olunan biliklər onlara gələcəkdə öz layiqli yerlərini tutmağa yardım edəcək".
Tədbir çərçivəsində tələbələr layihə barədə təəssüratlarını bölüşüb.
Sonda "UNEC Business English Conversation Club" iştirakçılarına sertifikatlar verilib.
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət