Azərbaycan Dövlət Neft Fondu (ARDNF) 2019-cu ildə qızıl aktivlərinin həcmini 100 tona çatdırmağı planlaşdırır. Bu barədə fondun icraçı direktoru Şahmar Mövsümov “Bloomberg” agentliyinə müsahibəsində bildirib.
Xəbər verildiyi kimi, 2018-ci ilin sonuna ARDNF-in investisiya portfelinin strukturunda qızılın payı 50 min 953,3 kq (1 mln. 638 min 186,3 troya unsiyası), dəyəri $2 mlrd. 93,09 mln. təşkil edib.
"ARDNF 2019-cu ildə qızıl ehtiyatlarını iki dəfə artıraraq 100 tona çatdırmağı planlaşdırır. ABŞ Federal Ehtiyat Sistemi faiz dərəcələrinin artırılmasının müzakirə olunmayacağını bəyan etdikdən sonra qızıl bazarında tələbin artması müşahidə olunur", - deyə Ş.Mövsümov qeyd edib.
Onun sözlərinə görə, qlobal iqtisadiyyatın ləngiməsi riskləri və ABŞ ilə Çinin ticarət münasibətlərindəki qeyri-müəyyənlik qiymətli metala marağı artırır. 2018-ci ilin sonunda maliyyə bazarlarının volatilliyi, eləcə də ABŞ Federal hökumətinin 35-günlük şatdaunu da qızıla olan tələbi stimullaşdırıb.
Sədr deyib ki, 2019-cu ildə fond aktivlərin $2,3 mlrd. - $40 mlrd.-dək artacağını proqnozlaşdırır.
"Hazırda ARDNF-in aktivlərinin həcmi Azərbaycanda ÜDM-nin 80%-dən çoxdur. 2019-cu ildə fondun aktivləri $2,3 mlrd. artaraq rekord səviyyəyə - $40 mlrd.-a çatacaq. Biz qərara aldıq ki, səhmlərə sərmayə qoymağın vaxtı deyil və haqlı çıxdıq. Təcrübə göstərdi ki, keçən il aktivlərin bu sinifi üçün çox pis olub", - deyə Ş.Mövsümov qeyd edib.
Onun sözlərinə görə, 2018-ci ildə fond aktivlərin idarə edilməsindən cüzi gəlir əldə edib, lakin səhmlərdəki payın artırılmamasına dair strateji qərar sayəsində zərərlə üzləşməyib.
Fondun sədri, həmçinin bildirib ki, London, Paris, Milan, Moskva, Seul və Tokioda daşınmaz əmlakların alınması ARDNF-ə sabit gəlir gətirib.
ARDNF 2012-ci ilin əvvəlindən etibarən qızıl alışına başlayıb. 2012-2013-cü illərdə fond tərəfindən 30 174,89 kq (970 145,51 unsiya) qızıl alınıb. 2014-2017-ci illərdə isə qızıl alınmayıb. 2018-ci ildə ARDNF qızıl alışını bərpa edib və il ərzində 20 min 778,41 kq qızıl alıb.
ARDNF-də neft müqavilələrinin reallaşmasından, əsasən dövlətin mənfəət neftinin satışından, ölkə ərazisində neft və qaz nəqlinə görə tranzit tariflərindən, dövlət əmlakının icarəsindən daxil olan gəlirlər toplanır.*
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət