“Fitch Ratings" beynəlxalq reytinq agentliyi “Cənub Qaz Dəhlizi” (CQD) QSC-nin avrobondlarının xarici valyutada uzunmüddətli reytinqini BB+ səviyyəsində təsdiqləyib. Bu barədə agentliyin məlumatında deyilir.
“Reytinqin təsdiqlənməsi CQD-nin Azərbaycan hökumətinin tam zəmanəti ilə buraxılan və tədavülü 2026-cı ildə başa çatacaq $2 mlrd. dəyərində olan avrobondları (avrobondların 2 emissiyası çərçivəsində) üzrə “Fitch”in dəyişməz rəyini əks etdirir. Reytinqə əsasən Azərbaycan istiqraz sahiblərinə verilmiş zəmanətləri tam və vaxtında yerinə yetirməyi öhdəsinə götürüb”, - deyə məlumatda bildirilir.
“Fitch” qeyd edir ki, Azərbaycan zəmanətlərinin icrası üçün 2016-2018-ci illərdə dövlət büdcəsində ehtiyatlar nəzərdə tutub və agentlik bu tendensiyanın 2019-cu ildə də davam edəcəyini gözləyir.
“Fitch” CQD rəhbərliyinin proqnozlarına istinadən bildirir ki, 2019-2020-ci illərdə CQD-nin əməliyyat və əsaslı xərcləri üçün maliyyə ehtiyacları təxminən $700 mln. təşkil edəcək.
Agentliyin məlumatına görə, CQD layihəsi kredit və dövlət əsaslı vəsait qoyuluşları hesabına maliyyələşdirilir. 2018-ci ilin sonuna CQD-nin borcunun 38%-ni ARDNF-in istiqrazları, 32%-ni beynəlxalq maliyyə institutlarının kredit və təminatları, 30%-ni isə avro ilə istiqrazlar təşkil edib.
“Cənub Qaz Dəhlizi” layihəsi “Şahdəniz” yatağının işlənməsi üzrə “Mərhələ-2” çərçivəsində hasil edilən Azərbaycan qazının Türkiyə vasitəsilə Avropaya nəqli üçün boru kəməri infrastrukturunun yaradılmasını nəzərdə tutur.
CQD layihəsinin əsas komponentləri bunlardır: “Şahdəniz” layihəsi üzrə “Mərhələ-2”, Bakı-Gürcüstan-Türkiyə sərhədi Cənubi Qafqaz boru kəməri magistralının genişləndirilməsi, Türkiyənin şərq sərhədindən qərb sərhədinə qədər Trans-Anadolu qaz kəmərinin (TANAP) və Yunanıstan, Albaniya və Adriatik dənizini birləşdirən Trans-Adriatik qaz kəmərinin (TAP) tikintisi.
Layihənin ümumi dəyəri təxminən $40 mlrd.-dır. Hazırda 7 ölkə bu layihəyə qoşulub.
10 mlrd. kubmetr həcmində Azərbaycan qazının Avropaya nəqli 2020-ci ildə gözlənilir. Bundan başqa, 6 mlrd. kubmetr həcmində Azərbaycan qazı Türkiyənin qərb regionlarına nəql olunacaq. Türkiyəyə qaz 2018-ci ilin yayından ixrac edilir.*
Ə.Məmmədov
Nağıyev: “Fransa Ermənistanı yeni müharibəyə təhrik edir”
Bakı Rasmusseni NATO-nun keçmiş baş katibi statusundan sui-istifadə etməkdə ittiham edir
Dövlət Xidməti və Macarıstan Rəqabət Qurumu arasında Anlaşma Memorandumu imzalanıb
DTX 2023-cü ildə dövlətə xəyanətlə bağlı 27 cinayət işinin ibtidai istintaqını aparıb
“Crocus City Hall”da törədilən terror aktında ölənlərin sayı 143 nəfərə çatıb
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
Azərbaycan “Accor” qrupu üçün əsas inkişaf bazarlarından biridir
NEQSOL Holding Udemy Business ilə tərəfdaşlığa başlayır
Yelo Bank Xocavənddə yaşayan şəhid ailələrini Novruz sovqatları ilə sevindirib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət