Milli Məclis noyabrın 12-də 2020-ci il dövlət büdcəsinin layihəsi üzrə müzakirələrə başlayacaq.
“Noyabrın 12-də parlament birinci oxunuşda gələn il üçün dövlət büdcəsinin layihəsi, həmçinin büdcə zərfi çərçivəsində digər sənədlər üzrə müzakirələrə başlayacaq. Birinci oxunuşda müzakirələr ümumilikdə üç gün davam edəcək – 12,13 və 14 noyabr tarixlərində”, - “Interfaks-Azərbaycan”a parlamentdəki mənbə bildirib.
Onun sözlərinə görə, parlament komitələri noyabrın 5-dən 2020-ci il dövlət büdcəsinin müzakirəsinə başlayacaq.
Azərbaycanın 2020-ci il dövlət büdcəsinin gəlirləri 24 mlrd. 134,5 mln. manat (2019-cu illə müqayisədə artım 4,2%), xərcləri 26 mlrd. 913,7 mln. manat (artım 6,8%), kəsiri 2 mlrd. 779,2 mln. manat və ya ÜDM-nin 3,3%-i səviyyəsində proqnozlaşdırılır.
Gələn il üçün dövlət büdcəsinin gəlirləri neftin bir barrelinin qiyməti $55 olmaqla hesablanıb (2019-cu il üçün neftin bir barrelinin qiyməti $60-dan hesablanıb).
Gəlirlərin strukturunda 13 mlrd. 530 mln. manatın (56%) neft sektoru, 10 mlrd. 604,5 mln. manatın (43,9%) qeyri-neft sektorundan daxilolmalar hesabına təmin edilməsi planlaşdırılır. 2019-cu illə müqayisədə qeyri-neft sektorundan daxilolmaların 12% artacağı proqnozlaşdırılır.
Vergilər Nazirliyinin xətti ilə daxilolmalar 7 mlrd. 875 mln. manat (2019-cu illə müqayisədə artım 7,6%) və ya büdcə gəlirlərinin 32,6%-i, Dövlət Gömrük Komitəsinin xətti ilə daxilolmalar 4 mlrd. manat (artım 8%) və ya gəlirlərin 16,6%-i səviyyəsində nəzərdə tutulub.
2020-ci ildə Dövlət Neft Fondundan dövlət büdcəsinə transfertlər 11 mlrd. 350 mln. manat (2019-cu ilin göstəricisi ilə müqayisədə azalma 0,1%) və ya bütün büdcə gəlirlərinin 47%-i səviyyəsində nəzərdə tutulub. Bundan başqa, proqnozlara görə, dövlət büdcəsinin gəlirlərinin 3,5%-i büdcə təşkilatlarının büdcədənkənar gəlirləri, daha 0,3%-i isə sair gəlirlər hesabına təmin olunacaq.
Xərclərin strukturunda 10 mlrd. 373,7 mln. manat məbləğində vəsaitin (artım 33,5%) sosial məqsədlərə yönəldilməsi planlaşdırılır ki, bu da dövlət büdcəsi xərclərinin 38,5%-ni təşkil edir.
Proqnozlara görə, 17 mlrd. 275,9 mln. manat (xərclərin 64,2%-i) cari xərclərin, 7 mlrd. 809,6 mln. manat (xərclərin 29%-i) əsaslı xərclərin payına düşəcək. Dövlət borcuna xidmət xərcləri 1 mlrd. 828,2 mln. manat və ya dövlət büdcəsi xərclərinin 6,8%-ni təşkil edəcək. 2019-cu illə müqayisədə dövlət borcuna xidmət xərcləri 21,7% azalacaq.
2019-cu il dövlət büdcəsinin gəlirləri üzrə proqnoz 23 mlrd. 168 mln. manat, xərcləri üzrə proqnoz 25 mlrd. 190 mln. manat təşkil edir, kəsiri isə 2 mlrd. 22 mln. manat və ya ÜDM-nin 2,5%-i səviyyəsində proqnozlaşdırılır.**
A.Əzizov
Prezident Əliyev 20 Yanvar faciəsinin ildönümü ilə əlaqədar Şəhidlər xiyabanını ziyarət edib
Azərbaycanda 20 Yanvar faciəsi qurbanlarının xatirəsi yad edilir
Rusiya pirotexnikləri Ağdamda minatəmizləmə əməliyyatına cəlb olunmaq üçün Azərbaycana göndərilib
Azərbaycanda 332 nəfər koronavirusa yoluxub
2022-ci ildə Şuşanın türk dünyasının mədəni paytaxtı elan olunması təklif edilib
Nazirlər Kabineti Göyçay şəhərinin 2035-ci ilə qədərki dövrdə inkişafına dair Baş planı təsdiq edib
Azərbaycanın 42 şəhər və rayonu gələn ilin dövlət büdcəsindən dotasiya almayacaq
Türkiyə sahillərində batmış yük gəmisindən xilas edilən dənizçilərin sayı 6 nəfərə çatıb
Türkiyə sahillərində Rusiyaya məxsus quru yük gəmisi batıb, xilasetmə əməliyyatı keçirilir
Brayza: Azərbaycanda türk hərbçilərinin olması bölgədə geostrateji tarazılığı təmin edəcək
Azərbaycan prezidenti: Biz regionda geosiyasi düzümü dəyişmişik
Caspian Energy öz layihələrində pay iştirakını satışa çıxarıb
Bakı Dəmir Yolu Vağzalının ərazisində üç müasir parklanma sahəsi yaradılır
Azərbaycan hökuməti payızda “Dayanıqlı İnkişafa dair İkinci Bakı Forumu”nun təşkilini planlaşdırır
Dekabrda Bakıda 31-ci Beynəlxalq Enerji Xartiyası Konfransı keçiriləcək