2020-ci ilin I rübündə Azərbaycanın dövlət büdcəsinin profisiti 2 milyard 556,1 milyon manat təşkil edib. Bu barədə Maliyyə Nazirliyinin məlumatında deyilir.
Maliyyə Nazirliyinin operativ məlumatına görə, hesabat dövründə dövlət büdcəsinin gəlirləri 7 milyard 810,9 milyon manat (ötən ilin analoji dövrü ilə müqayisədə artım 43,6%) təşkil edib ki, bu da proqnoz göstəricisindən 35,9% çoxdur. Gəlirlərin 2 milyard 536,3 milyon manatı (32,5%) qeyri-neft sektorunun payına düşüb.
Beləliklə, I rübdə dövlət büdcəsinin profisiti yanvar-mart ayları üzrə büdcə gəlirlərinin 32,7%-ni təşkil edib.
Gəlirlərin strukturunda İqtisadiyyat Nazirliyi yanında Dövlət Vergi Xidmətinin xətti ilə dövlət büdcəsinə 2 milyard 39,9 milyon manat (2019-cu ilin I rübü ilə müqayisədə artım 21,9%), o cümlədən qeyri-neft sektorundan 1 milyard 396,4 milyon manat (qurumun xətti ilə bütün yığımların 68,5%-i) daxil olub.
Hesabat dövründə Dövlət Gömrük Komitəsi tərəfindən dövlət büdcəsinə 991 milyon manat (azalma 2,3%) daxil olub.
Dövlət Neft Fondundan dövlət büdcəsinə 4 milyard 631 milyon manat vəsait transfert edilib, digər gəlirlər 39,7 milyon manat, büdcə təşkilatlarının büdcədənkənar gəlirləri 109,3 milyon manat təşkil edib.
Cari ilin yanvar-mart aylarında dövlət büdcəsinin xərcləri 5 milyard 254,8 milyon manat (artım 4,4%) təşkil edib.
Sosial xərclər 2 milyard 519,8 milyon manat və ya hesabat dövründə dövlət büdcəsinin bütün xərclərinin 48%-ni təşkil edib. Ötən ilin müvafiq dövrü ilə müqayisədə onların həcmi 19,7% artıb.
I rübdə dövlət büdcəsinin xərcləri 3 milyard 919,9 milyon manat (bütün xərclərin 74,6%-i), əsaslı xərclər 930,3 milyon manat (17,7%), dövlət borcuna və öhdəliklərinə xidmətlə bağlı xərclər 404,6 milyon manat (7,7%) təşkil edib.
2020-ci il dövlət büdcəsinin gəlirləri üzrə proqnoz 24 milyard 134,5 milyon manat, xərcləri üzrə proqnoz 26 milyard 894,7 milyon manat təşkil edir, büdcə kəsiri 2 milyard 760,2 milyon manat və ya ÜDM-nin 3,3%-i səviyyəsində proqnozlaşdırılır.*
Ə.Məmmədov
Azərbaycanda 162 nəfər koronavirusa yoluxub
Azərbaycanda 280 nəfər koronavirusa yoluxub
Mehdiyev: 2020-ci ildə DGK tərəfindən 1,5 tona yaxın narkotik dövriyyədən çıxarıb
Nazirlər Kabineti Göyçay şəhərinin 2035-ci ilə qədərki dövrdə inkişafına dair Baş planı təsdiq edib
Azərbaycanın 42 şəhər və rayonu gələn ilin dövlət büdcəsindən dotasiya almayacaq
Fevralda Qarsda keçiriləcək Azərbaycan və Türkiyə hərbi təlimləri Ermənistanı qorxudub
Bayden ABŞ-ın 46-cı prezidenti oldu
Türkiyə sahillərində batmış yük gəmisindən xilas edilən dənizçilərin sayı 6 nəfərə çatıb
Brayza: Azərbaycanda türk hərbçilərinin olması bölgədə geostrateji tarazılığı təmin edəcək
Azərbaycan prezidenti: Biz regionda geosiyasi düzümü dəyişmişik
Azərbaycan hökuməti payızda “Dayanıqlı İnkişafa dair İkinci Bakı Forumu”nun təşkilini planlaşdırır
Dekabrda Bakıda 31-ci Beynəlxalq Enerji Xartiyası Konfransı keçiriləcək