Türkiyənin "STAR" neft emalı zavodunun (NEZ) rezervuarları təxminən 90% doldurulub. Bu barədə zavodun baş direktoru Mesut İlter məlumat verib.
“STAR” NEZ-in neft saxlama rezervuarlarının ümumi gücü 3 milyon barrel təşkil edir. Deyə bilərəm ki, aprel ayı da daxil olmaqla, zavodun rezervuar gücünün doluluq səviyyəsi 90%-ə çatdırılıb", - deyə M.İlter Türkiyə KİV-nə müsahibəsində bildirib.
O xatırladıb ki, hazırda zavodun neft saxlama gücünün daha 1,5 milyon barrel artırılması üzrə işlər aparılır ki, bu da nəticə etibarilə bu göstəricini 4,5 milyon barrelə çatdırmağa imkan verəcək.
İlter, həmçinin qeyd edib ki, orta və uzunmüddətli perspektivdə neftin qiymətinin bahalaşacağını gözləyir, lakin vəziyyətin inkişafı COVİD-19-dan asılıdır.
"Məlum olduğu kimi, OPEK+ ölkələri 2020-ci il mayın 1-dən iyunun 30-dək neft hasilatının 9,7 milyon barrel azaldılmasına dair razılığa gəlib. Hesab edirəm ki, neftin qiyməti koronavirusla bağlı vəziyyətin inkişafından asılı olaraq formalaşacaq, pandemiya davam edərsə, qiymətlərin bərpası da uzun çəkə bilər. Mənim fərziyyələrimə görə, biz orta və uzunmüddətli perspektivdə qiymət artımını görəcəyik. Lakin bu artım sürətlə baş verməyəcək. 3 aylıq dövrdə qiymətlər 1 barrel üçün $15-20, 6 aylıq dövrdə $20-25, 9 aylıq dövrdə $25-30, 1 illik dövrdə isə $30-35 aralığında ola bilər", - deyə baş direktor vurğulayıb.
O, həmçinin vurğulayıb ki, orta və uzunmüddətli perspektivdə neftin qiymətinin bahalaşacağı ilə bağlı proqnozlar əsas götürülməklə və sərbəst güclərin səviyyəsi nəzərə alınmaqla milli ehtiyatların artırılması üçün son dərəcə ucuzlaşmış neftin əlavə idxalını məntiqli hesab edir.
M.İlter deyib ki, Türkiyənin xam neftin saxlanması üzrə cari gücləri təxminən 30 milyon barrel təşkil edir.
19 oktyabr 2018-ci il tarixində “STAR” NEZ-in işə salınması mərasimi keçirilib. NEZ-də “Azeri Light”, “Kərkük” və “Urals” kimi neft markalarının emalı planlaşdırılır. Zavodda illik 1,6 milyon ton nafta, 1,6 milyon ton reaktiv yanacaq, 4,8 milyon ton ultra aşağı kükürd tərkibli dizel yanacağı, 700 min ton neft koksu, 420 min ton qarışıq ksilol, 480 min ton reformat və 160 min ton kükürd istehsal olunacaq.
Zavod “Petkim” neft-kimya kompleksini xammalla təmin edir və SOCAR-ın dizel yanacağı, aviasiya kerosini, eləcə də kimya sənayesi üçün xammalla böyük Aralıq dənizi bazarına çıxmasına imkan verəcək.
SOCAR “STAR” NEZ-in tikintisi layihəsinə $6,3 milyard sərmayə qoyub və onun fəaliyyətindən illik $500 milyon gəlir əldə edəcək.*
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
AccessBank Masallıda filialının açılması ilə regional şəbəkəsini genişləndirir
AccessBank BMT-nin Qlobal Sazişinə qoşulub
AccessBank 2024-cü ilin 1-cü rübü üzrə maliyyə nəticələrini açıqlayıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət