May ayında Azərbaycanda valyuta hərraclarında xarici valyutanın satış həcmi aprel göstəricisindən çox olmayacaq. "Qazprombank"ın analitikləri belə hesab edirlər.
"Mayın 19-da hərracda valyutanın satış həcmi sabitləşmə əlamətləri göstərməyə davam etməklə ötən həftənin səviyyəsinə yaxındır və 10 mart tarixində keçirilmiş hərracın (xarici valyutaya tələb ən yüksək həddə olub - $323 milyon) nəticəsi ilə müqayisədə 5,8 dəfə azdır. Bu dinamika neftin qiymətinin aşağı olduğu bir şəraitdə Azərbaycan bazarında xarici valyutaya tələbin sabit qalmasından xəbər verir", - deyə bankın "İnterfaks-Azərbaycan" agentliyinin də malik olduğu həftəlik icmalında bildirilir.
Bundan başqa, Çində neftə tələbin böhrandan öncəki səviyyəyədək bərpa olunması əlamətlərinin meydana çıxması yaxın perspektivdə Azərbaycan manatına xarici təzyiqin zəifləməsini gözləməyə imkan verir.
"Beləliklə, biz əvvəlki kimi gözləyirik ki, may ayında Dövlət Neft Fondu (ARDNF) tərəfindən xarici valyutanın satış həcmi aprel səviyyəsini keçməyəcək, satışların pik səviyyəsi martda olub", - deyə “Qazprombank”da hesab edirlər.
Bankın analitikləri hesab edirlər ki, Azərbaycan neftin qiymətinin aşağı olması şəraitində milli valyutanın dəstəklənməsi üçün kifayət qədər ehtiyata malikdir və MDB ölkələri arasında beynəlxalq ehtiyatlarla ən çox təmin olunmuş ölkələrdən biri olaraq qalır. Mayın 1-nə fondun aktivləri nəzərə alınmaqla qızıl-valyuta ehtiyatları $47 milyarddan çox qiymətləndirilir və ÜDM-nin 100%-nə yaxındır (54 aylıq idxalı təmin edir).
Mart ayında neftin kəskin ucuzlaşması fonunda Azərbaycanda xarici valyutaya tələb artsa da, martın 29-dan etibarən tədricən azalmağa başlayıb.
Xəbər verildiyi kimi, Dövlət Neft Fondunun məlumatına görə, 2020-ci ilin yanvar-aprel aylarında Mərkəzi Bankın təşkil etdiyi valyuta hərraclarında fond tərəfindən $3 milyard 303 milyon (ötən ilin müvafiq dövrü ilə müqayisədə artım 67,2%), o cümlədən martda $1 milyard 928,3 milyon, apreldə $531,1 milyon məbləğində xarici valyuta satılıb.
ARDNF-dən bildiriblər ki, fond cari ildə valyuta hərraclarında $6,8 milyard məbləğində xarici valyuta satmağı planlaşdırır.
AMB 2017-ci il yanvarın 12-dən etibarən yeni formatda hərrac mexanizminin tətbiqinə başlayıb.
Hərrac birtərəfli valyuta satışı formasında və rəqabətli qaydada keçirilir və sifarişlər ən yüksək qiymətdən ən aşağı qiymətə doğru təmin edilir.*
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət