Ölkənin ən böyük kommersiya banklarından biri olan Bank Respublika, Avropa Yenidənqurma və İnkişaf Bankından (AYİB) növbəti kredit tranşını alıb. 2019-cu ildə imzalanan müqavilələrə əsasən, Bank birinci tranşın vəsaitlərini uğurla sərf etmiş, bu da Bank Respublika müştərilərinə böyük dəstək və maliyyələşdirmə imkanı yaratmışdır.
İkinci tranşlar da həmçinin mikro, kiçik və orta biznes layihələrinin maliyyələşdirilməsinə, üçdə biri isə Avropa Birliyinin (AB) dəstəyi ilə EU4Business təşəbbüsü ilə həyata keçirilən AzAFF proqramı çərçivəsində kənd təsərrüfatı sahəsinə yönəldiləcəkdir. Qeyd etmək vacibdir ki, kiçik və orta sahibkarlığın maliyyələşdirilməsi bankın fəaliyyətinin əsas strateji istiqamətlərindən biridir.
Cəlb olunmuş vəsait regionlarda, xüsusən də kənd yerlərində fəaliyyət göstərən sahibkarların maliyyələşdirilməsinə yönəldiləcəkdir. Milli valyutada olan kredit ölkədə biznesin kreditləşmə imkanlarını daha da genişləndirəcək, eyni zamanda, maliyyələşdirilməsi üçün daha sabit şəraitin yaradılmasına kömək edəcəkdir.
“Biz, AYİB-in uzun fasilədən sonra ötən ilin dekabrında Azərbaycanın maliyyə bazarına Bank Respublika ilə qayıtmasını çox yüksək qiymətləndiririk. Mövcud pandemiya şəraitini nəzərə alaraq, növbəti kredit tranşının ayrılması, nəhəng beynəlxalq maliyyə qurumlarından biri olan AYİB-in bankımıza olan böyük inamının təsdiqidir. Cəlb olunan vəsait bizə real sektora, xüsusən də regionlarda kiçik və orta sahibkarlığa kredit dəstəyini gücləndirməyə və ölkənin qeyri-neft sektorunun inkişafına töhfə verməyə imkan verəcəkdir " deyə “Bank Respublika”nın İdarə Heyətinin sədri Tariyel İsmayılov qeyd edib.
"Şübhəsiz ki, biz etibarlı tərəfdaşımız olan “Bank Respublika”ya və onların vasitəsilə kiçik və orta biznes müəssisələrinə, kənd təsərrüfatı sahəsinə dəstək olmaq imkanına malik olduğumuz üçün çox məmnunuq. Bu, Covid-19-un yaratdığı yeni reallıqlarda xüsusilə vacibdir " deyə AYİB-in Bakı ofisinin rəhbəri İvan Duarte vurğulayıb.
Bank Respublika - Azərbaycanın universal maliyyə bankıdır, səhmdarları sırasında Almaniyanın iki tanınmış maliyyə institutu təmsil olunur - KfW bank qrupunun üzvü DEG İnvestisiya Şirkəti və Sparkassen-Finanzgruppe maliyyə qrupunun üzvü Sparkassen International Development Trust.
Daha ətraflı məlumatı bankın rəsmi internet saytında, facebook səhifəsində və ya 144 nömrəsinə zəng edərək əldə edə bilərsiniz.
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət