Bazar günü axşam saatlarında Xəzər dənizində “Abşeronneft” Neft-Qaz Çıxarma İdarəsinin stasionar dəniz özülündə itkin düşmüş azərbaycanlı neftçinin cəsədi aşkar olunub.

“İtkin düşən neftçinin cəsədi bazar ertəsi aşkar olunaraq ekspertizaya verilib”, - SOCAR-ın İctimaiyyətlə əlaqələr və tədbirlərin təşkili İdarəsinin rəis müavini İbrahim Əhmədov "İnterfaks-Azərbaycan" agentliyinə məlumat verib.

Xəbər verildiyi kimi, avqustun 9-da “Abşeronneft” NQÇİ-nin 1100 saylı stasionar dəniz özülündə neft və qaz hasilatı üzrə operator işləyən Elşən Kazımovun saat 19:00 radələrində iş yoldaşları tərəfindən özüldə olmadığı müəyyən edilib. “Elşən Kazımovu axırıncı dəfə həmin gün saat 15:40 radələrində usta Vidadi Əliyevlə birlikdə iki quyuda ölçmə işləri apararkən görüblər.

Sonradan iş otağında onun çəkmələri, mobil telefonu və gödəkcəsi tapılıb. İşçinin meydançada axtarışı aparılıb, lakin onu tapmaq mümkün olmayıb. Onun itkin düşməsi haqqında rəhbərliyə məlumat verilib, gəmilər və dalğıclar vasitəsilə ətraf ərazidə dənizdə axtarış işləri aparılıb. Bazar ertəsi helikopter, gəmilər və dalğıclar axtarış işlərini davam etdirib. **

N.Abbasova