Azərbaycan Mərkəzi Bankı (AMB) koronavirus pandemiyası şəraitində əhalinin və biznesin dəstəklənməsi istiqamətində əlavə dəstəkləyici tədbirlərin müddətini 1 yanvar 2021-ci il tarixinədək uzadıb. Bu barədə “İnterfaks-Azərbaycan” agentliyinə AMB-dən məlumat verilib.
Əlavə dəstəkləyici tədbirlərin vaxtı 30 sentyabr 2020-ci il tarixində bitməli idi.
Təsdiq edilmiş tədbirlərə əsasən fiziki şəxslərin və biznesin, xüsusilə pandemiyadan təsirlənmiş sahibkarların dəstəklənməsi, bu məqsədlə bankların requlyativ yükünün azaldılması, bəzi iqtisadi sahələrin kredit resurslarına çıxış imkanlarının artırılması, pandemiya dövründə iqtisadi subyektlərin ödəniş xidmətləri üzrə xərclərinin azaldılması, sığorta xidmətlərinin fasiləsizliyinin təmin edilməsi və sığorta olunanların hüquqlarının qorunması, kapital bazarı iştirakçılarına requlyativ tətillərin və güzəştlərin verilməsi nəzərdə tutulub.
Requlyativ dəstək çərçivəsində sahibkarlıq fəaliyyəti ilə məşğul olmayan fiziki şəxslərin dəstəklənməsi istiqamətində İpoteka və Kredit Zəmanət Fondunun vəsaitləri hesabına verilmiş ipoteka kreditlərinin restrukturizasiyası davam etdiriləcək. 1 mart 2020-ci il tarixinədək verilmiş kreditlərin keyfiyyəti pisləşdirilməyəcək, pandemiya ilə əlaqədar gecikmə ilə bağlı məlumatlar 2021-ci il yanvarın 1-dək kredit bürosuna kredit tarixçəsi pisləşdirilmədən xüsusi qeydlə təqdim olunacaq.
İqtisadiyyatın pandemiyadan təsirlənmiş sahələrində fəaliyyət göstərən sahibkarlara da dəstək davam etdiriləcək. 1 yanvar 2021-ci il tarixinədək restrukturizasiya zamanı sahibkarlara verilmiş kreditlərin keyfiyyəti pisləşdirilməyəcək, kredit faizləri dövlət tərəfindən subsidiyalaşdırılacaq. AMB, həmçinin dövlət fondlarının vəsaiti hesabına verilmiş kreditlərin restrukturizasiyasını da davam etdirəcək. Kreditlərin keyfiyyəti pisləşdirilməyəcək, gecikmə isə 1 yanvar 2021-ci il tarixinədək kredit tarixçəsinə təsir göstərməyəcək.
Bununla yanaşı, banklara əlavə cərimə faizi, dəbbə pulu və digər cərimələrin hesablanmaması tövsiyə edilib.*
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət