Azərbaycan İpoteka və Kredit Zəmanət Fondu (İKZF) 2020-ci ilin yekunları üzrə 10 milyon manat məbləğində mənfəət gözləyir. Bunu fondun İdarə Heyətinin sədr müavini Rəhman Hümmətov deyib.
“Fəaliyyət göstərdiyi dövr ərzində İKZF-nin maliyyə zərərləri olmayıb, fond bütün illəri mənfəətlə başa vurub və bu günə cəmi bölüşdürülməmiş mənfəəti 85 milyon manat təşkil edir. Cari ilin sonuna fondun mənfəətinin 10 milyon manat təşkil edəcəyi gözlənilir”, – deyə o, bu gün jurnalistlərlə videokonfrans zamanı “İnterfaks-Azərbaycan” agentliyinin müxbirinin sualına cavab verərkən bildirib.
Hümmətovun sözlərinə görə, İKZF 2020-ci ilin yekunları üzrə aktivlərinin 1,85 milyard manata qədər artacağını proqnozlaşdırır (2019-cu ilin sonuna 1 milyard 406 milyon 159,049 min manat). Artım 32,1% təşkil edəcək.
“Hazırda fondun aktivləri 1,8 milyard manat təşkil edir. Yaxın günlərdə 50 milyon manatlıq istiqrazların cari il üçün sonuncu yerləşdirilməsini həyata keçirəcəyik. Beləliklə, hesab edirik ki, ilin sonuna İKZF-nin aktivləri 1,85 milyard manat təşkil edəcək”, - deyə o qeyd edib.
Sədr müavini 2021-ci ildə fondun kapitalının artırılacağını istisna etməyib.
“Nizamnamə kapitalımız adətən hər il artırılır – hər il bunun üçün dövlət büdcəsindən vəsait ayrılır. Lakin bu qərar bilavasitə ölkə başçısı tərəfindən qəbul olunur və qabaqcadan danışmaq istəməzdik. Bütövlükdə, gələn il nizamnamə kapitalının artacağını gözləyirik", - deyə Hümmətov əlavə edib.
2019-cu ilin yekunları üzrə fondun vergi ödənilənədək mənfəəti 18 milyon 641,246 min manat təşkil edib.
Prezident İlham Əliyev 2017-ci il dekabrın 26-da “Azərbaycan İpoteka Fondu” ASC-nin ləğv edilməsi və İpoteka və Kredit Zəmanət Fondunun yaradılması haqqında fərman imzalayıb. Fondun nizamnamə kapitalı 637 milyon manatdır.*
Ə.Məmmədov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət