Azərbaycanı beynəlxalq internet şəbəkəsinə bağlayan magistral internet provayderi AzerTelecom şirkətinin icra etdiyi Xəzərin dibi ilə Azərbaycanla Qazaxıstan arasında dənizaltı infrastruktur layihəsi “Qazaxıstan-Azərbaycan: əməkdaşlığın yeni imkanları” mövzusunda işgüzar görüşdə müzakirə olunub.
Qazaxıstanın Bakıdakı Səfirliyində təşkil olunmuş işgüzar görüş çərçivəsində iki ölkə arasında müasir iqtisadi prioritetlər, iqtisadiyyatın müxtəlif sahələrində əməkdaşlığın hazırkı vəziyyəti, onların post-pandemiya dövründə inkişaf perspektivləri müzakirə edilib.
AzerTelecom şirkətinin Direktorlar şurasının sədri Fuad Allahverdiyev tədbirdə çıxış edərək Azərbaycanla Qazaxıstanın İKT və telekommunikasiya sektorlarının inkişafına töhfə verəcək Transxəzər Fiber Optik Kabel Xəttinin çəkilməsi və bu layihənin imkanları barədə danışıb.
Fuad Allahverdiyev bu layihənin ümumilikdə regionda İKT sahəsində əməkdaşlıq əlaqələrinin gücləndirməsinə töhfə verəcəyini bildirib, layihənin icrası üçün dövlətlərarası sazişin imzalandığını qeyd edib, layihənin iqtisadi və texniki imkanları barədə danışıb. O, bu layihə ilə Avropa ilə Asiya arasında Azərbaycan və Qazaxıstan vasitəsilə “Rəqəmsal İpək Yolu”nun qurulması imkanının formalaşacağını vurğulayaraq, dənizaltı magistral fiber-optik kabel xətti sayəsində Orta Asiya və ətraf region ölkələrinin bağlantı xidmətlərinə olan ehtiyaclarının təmin olunacağını qeyd edib.
Tədbirdə çıxış edən Qazaxıstanın Azərbaycanda fövqəladə və səlahiyyətli səfiri Serjan Abdıkarimov,iki ölkənin dövlət sektorunun, işgüzar dairələrinin və milli şirkətlərinin nümayəndələri Azərbaycan və Qazaxıstanın işgüzar dairələri arasında qarşılıqlı faydalı əməkdaşlığın genişləndirilməsi barədə danışıblar. İşgüzar görüşdə iki ölkə arasında ticarət-iqtisadi və investisiya əlaqələrinin genişləndirilməsi üçün yeni perspektivlər və imkanlar barədə məzmunlu fikir mübadiləsi baş tutub.
Qeyd edək ki, Transxəzər Fiber Optik Kabel Xətti layihəsi Azərbaycan tərəfdən AzerTelecom, Qazaxıstan tərəfdən isə Transtelecom telekommunikasiya operatorları tərəfindən icra edilir.
AzerTelecom Azərbaycanın telekommunikasiya operatorudur. Şirkət ölkənin ilk mobil operatoru və ən sürətli mobil internet provayderi olan Bakcell şirkətinin törəmə müəssisəsidir. AzerTelecom Azərbaycanı beynəlxalq internet şəbəkəsi ilə birləşdirir və telekommunikasiya sektorunda yerli və xarici şirkətlərə müxtəlif qabaqcıl xidmətlər təqdim edir. Hazırda AzerTelecom şirkəti Azərbaycanın rəqəmsal mərkəzə çevrilməsi üçün “Azerbaijan Digital Hub” proqramını icra edir.
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət