Azərbaycan “The Heritage Foundation” tərəfindən tərtib olunan Economic Freedom Index 2021 iqtisadi azadlıq reytinqində 6 mövqe irəliləyərək 38-ci yerdə qərarlaşıb.
Reytinqin nəticələri təşkilatın saytında dərc olunub. Bu barədə “İnterfaks-Azərbaycan” məlumat verir.
Azərbaycanın iqtisadi azadlıq üzrə ümumi göstəricisi mümkün 100 baldan 70,1 bal təşkil edib. Ölkəmiz “əsasən iqtisadi azad” kateqoriyasına daxildir.
“Azərbaycan Avropa regionunun 45 ölkəsi arasında 23-cü yerdədir, onun ümumi balı regional ortalamaya bərabərdir, lakin dünya ortalamasından yüksəkdir. Azərbaycan iqtisadiyyatı böyük iqtisadi azadlıqdan faydalanmağa davam edir. Ölkənin 2021-ci ildəki ümumi balı “əsasən azad” kateqoriyasına keçidə imkan verib. Bu statusu qorumaq üçün hökumət bu il indeksin mülkiyyət hüququ, məhkəmə sisteminin effektvliyi kimi göstəricilərində əldə etdiyi irəliləyişi davam etdirməlidir”, - “The Heritage Foundation”ın hesabatında deyilir.
Reytinq üzrə Azərbaycanın qonşuları Belçika (70,1 bal, 37-ci yer) və İspaniya (69,9 bal, 39-cu yer) olub.
İqtisadi azadlıq indeksi 4 kateqoriyaya bölünmüş 12 göstərici üzrə tərtib olunur: hüquq effektivliyi, requlyativ effektivlik, hökumətin fəaliyyəti və bazarların açıq olması.
Azərbaycan üçün ən yüksək qiymətlər – fiskal sağlamlıq (99,4 bal) və vergi yükü (88,1 bal) müəyyən edilib.
Reytinqə ardıcıl ikinci il Sinqapur başçılıq edir. Ölkə mümkün 100 baldan 89,7-ni toplayıb. İlk üçlükdə Yeni Zelandiya (83,9 bal) və Avstraliya (82,4) da yer alıb. Həmçinin ilk beşliyi İsveçrə və İrlandiya daxil olub.
Reytinqdə Rusiya 92-ci, Türkiyə - 76-cı, İran – 168-ci, Gürcüstan – 12-ci, Ermənistan 32-ci yerdə qərarlaşıb.
Reytinqi KXDR və Venesuela tamamlayıb.
İlk dəfə keçən ilə qədər ardıcıl 25 il reytinqə başçılıq etmiş və yalnız ötən il liderliyi Sinqapura təhvil vermiş Çinin xüsusi inzibati zonası olan Honkonq iqtisadi azadlıq reytinqinə daxil olmayıb.
“Bu il indeks yalnız hökumətlərin iqtisadi siyasətlər üzərində suveren nəzarəti həyata keçirdiyi müstəqil ölkələrdə iqtisadi azadlığı ölçüb. Beləliklə, Honkonq və Makao indeksə daxil edilməyib”, - müəlliflər məsələyə aydınlıq gətiriblər.
Bu reytinq hər il mütəxəssislər tərəfindən iqtisadi və ticarət azadlıqlarının dərəcəsi, investisiya açıqlığı, dövlətin iqtisadiyyata müdaxiləsi, korrupsiya faktoru və s. nəzərə alınmaqla 10 əsas kateqoriya üzrə hesablamalar əsasında tərtib olunur. Müxtəlif səbəblərdən hesabat müəllifləri bu il üçün reytinqdə İraq, Liviya, Lixtenşteyn, Somali, Suriya və Yəmən kimi ölkələri qiymətləndirə bilməyiblər.
Ölkə reytinqləri 1995-ci ildən bəri dərc olunur. Ölkəyə verilə biləcək maksimum indeks 100 baldır ki, bu, mütləq azadlığı göstərir. Minimum indeks isə 0 baldır ki, bu da iqtisadi azadlığın heç olmadığı ölkələrə verilir. Reytinqdəki bütün ölkələr beş kateqoriyaya bölünür: “azad, “əsasən azad”, “orta dərəcəli azad”, “əsasən qeyri-azad” və “qeyri-azad”. **
Ə.Məmmədov
Nağıyev: “Fransa Ermənistanı yeni müharibəyə təhrik edir”
Bakı Rasmusseni NATO-nun keçmiş baş katibi statusundan sui-istifadə etməkdə ittiham edir
2023-cü ildə Türkiyədən Azərbaycana pul köçürmələrinin həcmi 1,3 dəfə artıb
Yanvar-fevral aylarında İstanbula turist axını 8% artıb
DTX 2023-cü ildə dövlətə xəyanətlə bağlı 27 cinayət işinin ibtidai istintaqını aparıb
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
Ərdoğan mayın 9-da ABŞ-a səfər etməyi planlaşdırır
Azərbaycan və Ermənistan parlamentlərinin sədrləri mayda görüşəcəklər
Ağ Ev İsrail və Livanı sərhəddə vəziyyəti dərhal normallaşdırmağa çağırıb
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
Azərbaycan “Accor” qrupu üçün əsas inkişaf bazarlarından biridir
İllik cəmi 5% kredit ilə biznesinizə parlaq dəstək
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət