2020-ci il dekabrın 31-dən indiyədək Trans-Adriatik boru kəməri (TAP) ilə Avropaya ixrac olunan Azərbaycan qazının həcmi 1 milyard kubmetr təşkil edib. Bu barədə Trans Adriatic Pipeline AG (TAP AG) konsorsiumun məlumatında deyilir.
“2020-ci ilin dekabr ayında TAP ilə qaz nəql olunandan ümumilikdə Azərbaycandan Avropaya 1 milyard kubmetr qaz nəql edilib”, - şirkətin məlumatında bildirilir.
"İndi, 1 milyard kubmetr qaz təhlükəsiz olaraq nəql olunandan sonra infrastrukturumuz bir neçə bazarda şaxələndirilməni təmin etməyə davam edir. TAP ilə nəql edilən qaz Avropa İttifaqını yeni mənbədən etibarlı, təhlükəsiz və sərfəli enerji ilə təmin edilməsində əsas rol oynayır”, - məlumatda TAP-ın icraçı direktoru Luka Şipatinin (Luca Schieppati) sözlərinə istinad olunur. Bu barədə “İnterfaks-Azərbaycan” məlumat verir.
“İlk milyard kubmetrin nəqli TAP-ın bazar rəqabətini və ötürücü sistemin operatoru kimi rolunu gücləndirir. Bu qaz kəməri xüsusilə Cənub-Şərqi Avropa üçün çox vacibdir, burada bir neçə bazar birbaşa əlavə qaz əldə edə bilər. Həmçinin, 2021-ci ilin iyul ayında TAP-ın gücünün potensial genişləndirilməsi ilə bağlı bazar tədqiqatları fazasında icbari iştirakla bağlı açıq dəvətlər var”, - TAP-ın kommersiya direktoru Mariya Savova qeyd edir.
“Şahdəniz” yatağından hasil olunan Azərbaycan qazının İtaliya, Yunanıstan və Bolqarıstandakı istehlakçılar üçün Avropaya nəqlinə 2020-ci il dekabrın 31-də başlanılıb. Avropaya ixrac illik ötürmə qabiliyyəti 10 milyard kubmetr təşkil edən Trans-Adriatik qaz kəməri (TAP) ilə həyata keçirilir.
2021-ci ildə CQD ilə Azərbaycandan Avropaya 5 milyard kubmetrdən çox qaz nəql olunacaq.
“TAP AG” konsorsiumu 2020-ci il oktyabr ayının 13-də qaz kəmərinin tikintisinin başa çatdığını elan edib. TAP-ın ümumi uzunluğu 878 km təşkil edir, bunun 550 km-i Yunanıstanın şimal hissəsindən, 215 km-i Albaniyadan, 105 km-i Adriatik dənizindən, 8 km-i isə İtaliya ərazisindən keçir. TAP Azərbaycan qazının Avropaya nəqli üçün infrastrukturun yaradılmasını nəzərdə tutan “Cənub Qaz Dəhlizi” layihəsinin sonuncu komponentidir.
TAP layihəsi “Mərhələ-2” çərçivəsində “Şahdəniz” yatağından hasil edilən 10 milyard kubmetr təbii qazın Yunanıstan və Albaniyadan Qərbi Avropaya nəqlini nəzərdə tutur.Qaz kəmərinin ötürmə qabiliyyəti onun gücünü ildə 20 milyard kubmetrə qədər artırmağa imkan verir.
Səhmdarları SOCAR (20%), BP (20%), “Snam” (20%), “Fluxys” (19%), “Enagas” (16%) və “Axpo” (5%) şirkətləridir. Layihənin dəyəri 4,5 milyard avrodur. TAP-ın təməlatma mərasimi 17 may 2016-cı il tarixində Yunanıstanda keçirilib.**
N.Abbasova
Nağıyev: “Fransa Ermənistanı yeni müharibəyə təhrik edir”
Bakı Rasmusseni NATO-nun keçmiş baş katibi statusundan sui-istifadə etməkdə ittiham edir
Dövlət Xidməti və Macarıstan Rəqabət Qurumu arasında Anlaşma Memorandumu imzalanıb
DTX 2023-cü ildə dövlətə xəyanətlə bağlı 27 cinayət işinin ibtidai istintaqını aparıb
“Crocus City Hall”da törədilən terror aktında ölənlərin sayı 143 nəfərə çatıb
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
Azərbaycan “Accor” qrupu üçün əsas inkişaf bazarlarından biridir
NEQSOL Holding Udemy Business ilə tərəfdaşlığa başlayır
Yelo Bank Xocavənddə yaşayan şəhid ailələrini Novruz sovqatları ilə sevindirib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət