2021-ci ilin aprel ayında Azərbaycanda gündəlik neft hasilatı cari ilin mart ayında 592,1 min barrelə qarşı 594 min barrel təşkil edib. Bu barədə Energetika Nazirliyindən məlumat verilir.

“2021-ci ilin aprel ayında Azərbaycan üzrə gündəlik neft (kondensatla birlikdə) hasilatı 698 min barrel olub. Bunun 594 min barrelini xam neft, 104 min barrelini isə kondensat təşkil edib. Azərbaycan martda sutkada xam neft hasilatını 124 min barrel azaldıb”, - nazirlikdən qeyd ediblər.

2021-ci ilin aprel ayında ölkə üzrə gündəlik xam neft hasilatı 595 min barel olub. Beləliklə, Azərbaycan aprel ayında OPEC+ çərçivəsində neft hasilatının azaldılması üzrə öhdəliyini 100,2% yerinə yetirib.

OPEC və qeyri-OPEC ölkələri 12 aprel 2020-ci il tarixində keçirilmiş videokonfransda gündəlik neft hasilatının 2020-ci il mayın 1-dən 2022-ci ilin aprel ayınadək üç mərhələdə kollektiv surətdə azaldılması üzrə razılaşmanı təsdiqləyib. Razılaşma çərçivəsində Azərbaycan kondensat nəzərə alınmadan neft hasilatını 2018-ci ilin oktyabr ayı üzrə göstəricidən (718 min barel) azaltmağı öhdəsinə götürüb.

5 yanvar 2021-ci il və 4 mart 2021-ci il tarixli razılaşmalara əsasən, Azərbaycanda neft hasilatı 2021-ci ilin aprel ayına qədər 595 min barel səviyyəsində saxlanılmalıdır.**

N.Abbasova