Ölkənin ən böyük kommersiya banklarından biri olan Bank Respublika və Hollandiya Sahibkarlığın İnkişafı Bankı (FMO) arasında yeni kredit müqaviləsi imzalanıb. Müqaviləyə əsasən Banka 10 milyon ABŞ dolları məbləğində kredit ayrılacaq və vəsaitlər milli valyutada təqdim ediləcək.
3 il müddətinə ayrılacaq kredit ölkədə aqro, mikro, kiçik və orta sahibkarlıq fəaliyyətinin, həmçinin, gənc biznesmenlərin və qadın sahibkarların daha sərfəli şərtlərlə maliyyələşdirilməsinə yönəldiləcək. Cəlb olunmuş vəsait “Bank Respublika”nın geniş filial şəbəkəsi sayəsində Azərbaycanın bütün regionlarda fəaliyyət göstərən sahibkarlara dəstək göstərilməsinə şərait yaradacaqdır.
“Hollandiya Sahibkarlığın İnkişafı Bankının Azərbaycanda əsas tərəfdaş kimi “Bank Respublika”nı seçməsi bankımızın dayanaqlığına və etibarlılığına verilən yüksək qiymət olaraq dəyərləndiririk. Cəlb olunan vəsait, bizim üçün prioritet sahə olan real sektora, xüsusən də kiçik və orta sahibkarlığa kredit dəstəyini gücləndirməyə, bununla da ölkənin qeyri-neft sektorunun inkişafına töhfə verməyə imkan verəcəkdir”, deyə Bank Respublikanın İdarə Heyətinin sədri Tariyel İsmayılov qeyd edib.
“Daimi tərəfdaşımız olan Bank Respublika ilə olan yeni kredit sazişi sayəsində, biz Azərbaycanda kənd təsərrüfatı sahəsində fəaliyyət göstərən kiçik və orta biznesi, eləcə də gənc iş adamlarını və qadın sahibkarları dəstəkləməkdən məmnunluq hissi duyuruq. Davamlı iqtisadi böyüməni təmin etmək və dəstəyə ehtiyac duyan sahibkarlara və bizneslərə inkişaf etmək üçün lazımi maliyyə vəsaitlərini təqdim etmək FMO-nun hədəfləri ilə tamamilə uyğun gəlir.” deyə FMO-nun İnvestisiyalar üzrə direktoru Huib-Jan de Ruijter qeyd edib.
Bank Respublika - 1992-ci ildə yaradılıb və Azərbaycanın aparıcı beş bankından biridir. Bankın səhmdarları arasında Almaniyanın ən böyük maliyyə qurumları - DEG İnvestisiya Korporasiyası (KfW və SIDT bank qrupunun üzvü) və Sparkassen International Development Trust (Sparkassen-Finanzgruppe maliyyə qrupunun üzvü) var.
Hollandiya Sahibkarlığın İnkişafı Bankı (FMO) - aparıcı impakt-investor olaraq, iddialı layihələrə və sahibkarlara investisiya qoyaraq inkişaf etməkdə olan ölkələrdə və inkişaf etməkdə olan bazarlarda özəl sektorun davamlı böyüməsini dəstəkləyir. FMO, güclü bir özəl sektorun iqtisadi və sosial inkişafa yol açdığına inanır və insanlara bacarıqlarını istifadə etmək və həyat keyfiyyətlərini yüksəltmək üçün 50 illik təcrübəsi var. Təşkilat inkişafa böyük təsir göstərən üç sektorda ixtisaslaşır: maliyyə qurumları, enerji və aqrobiznes, qida və su. FMO, 85 ölkəni əhatə edən 9.7 milyard avro öhdəlik portfelinə sahib özəl sektorun inkişafı üzrə dünyanın ən böyük ikitərəfli banklarından biridir.
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət