Füzuli rayonunda aerovağzal kompleksi bu ilin sonuna kimi tam istifadəyə verilə bilər. Bunu “AzVirt” MMC-nin baş direktoru Kamil Əliyev deyib.
Prezident İlham Əliyev iyunun 14-də Füzuli rayonuna səfəri çərçivəsində Füzuli Beynəlxalq Hava Limanında tikinti işlərinin gedişi ilə tanış olub.
“Füzuli Beynəlxalq Hava Limanının tikintisinə yanvar ayında başlanmışdır. Bu plakatda 3 min metr uzunluğunda, 60 metr enində uçuş-enmə zolağı əks olunub. Təyyarələrin enişi iki tərəfdən də təmin olunur. Bu günə biz uçuş-enmə zolağının və perronun tikintisində torpaq işlərini bitirmişik. İndi biz yol geyiminin tikintisi ilə məşğuluq. Bizim proqramımıza əsasən, sentyabrın 5-də burada birinci sınaq uçuşu yerinə yetiriləcək”, - deyə o, dövlət başçısına məlumat verib.
K.Əliyev əlavə edib ki, perronun ölçüləri 60 min kvadratmetrdir, təxminən 8 ədəd A-320 tipli təyyarə yerləşə bilər. Burada 170 avtomobillik avtomobil dayanacağı da olacaq.
Baş direktor qeyd edib ki, aeroport Füzuliyə gedən yolla və Zəfər yolu ilə birləşəcək.
“Aeroport binasının tikintisində beton işləri demək olar, 80 faiz yekunlaşıb. Dam örtüyü İtaliyadan gətirilib və artıq Bakıdadır. Türkiyədən fasad materialları gətirilib. İşlər bu sürətlə getsə, aerovağzal kompleksi bu ilin sonuna kimi tam istifadəyə verilə bilər. Aeroportda aeronaviqasiya, tikinti işləri aparılır. İşıq-siqnal sistemini türk şirkəti işləyir. Yarımstansiya tikilib”, - deyə K.Əliyev bildirib.
Onun sözlərinə görə, aeroportun tikintisi çərçivəsində Zəngilanda artıq torpaq işlərinə başlanılıb. “AzVirt”, həmçinin Laçın rayonunda aeroportun tikintisinə hazırlıq işlərinə başlayıb.
“Laçın rayonunda aeroportun tikiləcəyi yerə də getdik, layihədə harada yerləşir, onu da müəyyən etdik. Torpaq işi böyük həcmdədir. Biz artıq mobilizasiya olunuruq. Orada ofisimiz var, artıq texnika aparmışıq”, - deyə baş direktor qeyd edib.
Füzuli Beynəlxalq Hava Limanının 2021-ci ilin sentyabr ayında istifadəyə verilməsi planlaşdırılıb.
Prezident İlham Əliyev 2021-ci ilin yanvar ayında Füzuli şəhərində aeroportun, aprelin 27-də isə Zəngilanda beynəlxalq aeroportun təməlini qoyub.*
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
AccessBank BMT-nin Qlobal Sazişinə qoşulub
AccessBank 2024-cü ilin 1-cü rübü üzrə maliyyə nəticələrini açıqlayıb
Yelo Bank birinci rübü 14 milyon manat xalis mənfəətlə yekunlaşdırıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət