Türkiyə xarici işlər naziri Mövlud Çavuşoğlu ümidvar olduğunu bildirib ki, Ermənistandakı seçkilərdən sonra yeni rəhbərlik əvvəlki səhvlərindən nəticə çıxaracaq.
“Ümid edirik ki, Ermənistandakı seçkilərdən sonra yeni rəhbərlik bölgədəki sülh və sabitliyə yeganə yolunun qonşularla yaxşı münasibətdən keçdiyini anlayacaq. Ermənistan qonşularına qarşı ərazi iddiaları irəli sürməkdən əl çəkməli, onlarla yaxşı münasibət qurmalıdır. Çünki Azərbaycan işğal altındakı torpaqlarını azad etdikdən sonra həm Bakı, həm də Ankara bölgədə sülh və sabitliyi təmin etmək üçün addımlar atmağa hazırdır”, - deyə o, bu fikirləri Antalya Diplomatiya Forumunun yekunlarına həsr olunmuş mətbuat konfransında ifadə edib.
Çavuşoğlu qeyd edib ki, ikitərəfli münasibətlərin qurulması çoxlu sayda regional layihələrin həyata keçirilməsinə imkan yaradacaq.
Nazir vurğulayıb ki, bu, ilk növbədə, Ermənistan üçün faydalıdır. “Ermənistan uzun illər yürütdüyü yanlış siyasət nəticəsində özünü təcrid edib. O, öz günahı ucbatından inkişafda Cənubi Qafqaz ölkələrindən geri qalıb. İrəvan düşmənçilik əhval-ruhiyyəsindən əl çəkməli və region ölkələri ilə mehriban qonşuluq münasibətlərinin qurulması üçün nə edilə biləcəyi üzərində düşünməlidir”, - deyə “Anadolu” agentliyi Çavuşoğluna istinadən bildirib.
XİN başçısı vurğulayıb ki, Türkiyə ilə Azərbaycan arasında münasibətlər müstəsna xarakter daşıyır və Şuşa Bəyannaməsi imzalandıqdan sonra müttəfiqlik səviyyəsinə yüksəlib.
“Sənədin Şuşada imzalanması xüsusi məna daşıyır. Liderlər Türkiyənin Şuşada Baş konsulluğunun açılması ilə bağlı qərar qəbul ediblər. Türkiyə XİN ən qısa zamanda bütün hazırlıqları başa çatdıracaq və diplomatları Şuşaya göndərəcək. Şuşada Azərbaycan bayrağı ilə yanaşı, Türkiyə bayrağı da dalğalanacaq”, - deyə Çavuşoğlu qeyd edib.*
A.Əzizov
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət