Dünya Bankı (DB) Ali Audit Qurumlarının Müstəqillik İndeksinin Qlobal Hesabatında Azərbaycan Hesablama Palatasını yüksək müstəqilliyi olan təşkilatlar sırasına daxil edib.
Reytinqdə 118 ölkənin ali audit orqanları yer alıb.
Hesabatın bu gün keçirilən təqdimatında DB-nin Azərbaycan üzrə meneceri Sara Maykl qeyd edib ki, bu indeks dövlət idarəçiliyinin təkmilləşdirilməsi, korrupsiyaya qarşı mübarizə məsələlərində Azərbaycana faydalı olacaq.
“Yüksək reytinq həm DB-dən xarici sərmayələrin, həm də biznes-dairələrdən digər birbaşa investisiyaların cəlb edilməsi məsələsində çox vacib məqamdır. Bundan başqa, bildiyiniz kimi, DB-nin qlobal missiyası yoxsulluğun səviyyəsinin azaldılmasıdır. Bu baxımdan müəyyən ölkənin ali audit orqanının müstəqilliyi və birbaşa vəzifələrini yerinə yetirmək qabiliyyəti bizə əminlik verir ki, layihələrin həyata keçirilməsinə ayrılan vəsait təyinatı üzrə istifadə olunacaq”, - deyə Maykl bildirib.
DB-nin hesabatı 10 indikator əsasında tərtib edilib: Konstitusiya və hüquqi baza, ali audit orqanının rəhbərinin təyin edilməsi prosesinin şəffaflığı, maliyyə muxtariyyəti, auditin növləri, əməliyyat muxtariyyəti, kadrların seçilməsi müstəqilliyi, audit mandatı, auditin əhatə sahəsinin müəyyən edilməsi müstəqilliyi, sənəd və informasiyaya çıxış, auditi aparılan hesabatlar üzrə hüquq və vəzifələr.
Hesablama Palatasının sədri Vüqar Gülməmmədov isə qeyd edib ki, Palatanın bir neçə strateji hədəfi var, onların arasında kadr potensialının gücləndirilməsi, informasiya texnologiyalarının geniş tətbiqi, hesabatların hazırlanma keyfiyyətinin yaxşılaşdırılması, yeni audit metodları və vasitələrindən istifadə edilməsi yer alır. O, həmçinin deyib ki, INTOSAI İnkişaf Təşəbbüsünün (IDI) dəstəyi ilə 2021-2025-ci illəri əhatə edən Strateji Plan hazırlanıb.
Təqdimatda DB-nin dövlət maliyyə menecmenti üzrə aparıcı mütəxəssisi Srinivas Qurazada çıxış edərək Azərbaycanın 9 balla (B kateqoriyası) eyni göstəriciyə malik 17 ölkə sırasına daxil olduğunu qeyd edib.*
X.Nəsirzadə
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
AccessBank Masallıda filialının açılması ilə regional şəbəkəsini genişləndirir
AccessBank BMT-nin Qlobal Sazişinə qoşulub
AccessBank 2024-cü ilin 1-cü rübü üzrə maliyyə nəticələrini açıqlayıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət