Azərbaycanın bank sektorunun cari likvidlik potensialı 7 milyard manat təşkil edir. “İnterfaks-Azərbaycan” agentliyinin məlumatına görə, bunu Mərkəzi Bankın (AMB) sədri Elman Rüstəmov deyib.
“Bank sektorunun sabitliyinin təmin edilməsi 2022-ci il üçün prioritetlərdən biridir. Ölkənin yeni iqtisadi inkişaf strategiyası (2022-2026-cı illər – İF) nəzərə alınmaqla maliyyə sektorunun bütün seqmentlərinin rolunun gücləndirilməsinə ehtiyac var. Bu istiqamətdə bir sıra tədbirlər həyata keçiririk, İqtisadiyyat Nazirliyi ilə geniş əməkdaşlıq imkanları var”, - deyə E.Rüstəmov bu gün parlamentdə gələn il üçün pul-kredit siyasətinin prioritetlərindən danışarkən bildirib.
Onun sözlərinə görə, biznesin, xüsusilə kiçik və orta biznesin kreditləşdirilməsinin artırılması, mikrokreditləşmə potensialının gücləndirilməsi bank sektoru qarşısında duran əsas vəzifələrdir. “Bu istiqamətdə görüləsi işlər çoxdur. Bu, həm bank sahəsinə, həm də bütövlükdə, tənzimləmə sahəsinə aiddir. Bu gün bank sektorunda 7 milyard manat səviyyəsində likvidlik potensialı mövcuddur. Bu isə ekosistemdəki problemlərin siqnalıdır. Həmin problemlər həll edilməlidir ki, banklar iqtisadiyyatı kreditləşdirə bilsinlər”, - deyə o qeyd edib.
AMB sədri əlavə edib ki, hazırda Mərkəzi Bank kapital bazarının inkişafı üçün kompleks iş aparır, çünki bu seqmentdə uzun illər heç bir iş görülməyib (əvvəlki tənzimləyici tərəfindən – İF). Buna görə də kapital bazarı üzrə yeni strategiya formalaşdırılır. Qanunvericilik, texnoloji infrastruktur, kadr bazasından tutmuş hər şey dəyişdirilməlidir və biz bu istiqamətdə Türkiyə ilə sıx əməkdaşlıq edirik. O cümlədən şirkətlərimizin qiymətli kağızlarının İstanbul Fond Birjasında listinqə daxil edilməsi, İstanbul Fond Birjasında listinqdə olan qiymətli kağızların isə Bakı Fond Birjasında listinqə daxil edilməsi imkanları müzakirə olunur. Belə bir razılığa gəlmişik”, - deyə o vurğulayıb.
E.Rüstəmov sığorta sektoru qarşısında vəzifələrin, o cümlədən biznesin tələbatının ödənilməsi vəzifəsinin durduğunu qeyd edib.*
X.Nəsirzadə, A.Əzizov
Nağıyev: “Fransa Ermənistanı yeni müharibəyə təhrik edir”
Bakı Rasmusseni NATO-nun keçmiş baş katibi statusundan sui-istifadə etməkdə ittiham edir
Dövlət Xidməti və Macarıstan Rəqabət Qurumu arasında Anlaşma Memorandumu imzalanıb
Yanvar-fevral aylarında İstanbula turist axını 8% artıb
DTX 2023-cü ildə dövlətə xəyanətlə bağlı 27 cinayət işinin ibtidai istintaqını aparıb
“Crocus City Hall”da törədilən terror aktında ölənlərin sayı 143 nəfərə çatıb
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
Azərbaycan və Ermənistan parlamentlərinin sədrləri mayda görüşəcəklər
Ağ Ev İsrail və Livanı sərhəddə vəziyyəti dərhal normallaşdırmağa çağırıb
Ağ Ev: “Crocus City Hall”da terror aktına görə yalnız İŞİD məsuliyyət daşıyır
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
Azərbaycan “Accor” qrupu üçün əsas inkişaf bazarlarından biridir
NEQSOL Holding Udemy Business ilə tərəfdaşlığa başlayır
Yelo Bank Xocavənddə yaşayan şəhid ailələrini Novruz sovqatları ilə sevindirib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət