İqor Okaev Bank VTB (Azərbaycan) ASC-nin İdarə Heyətinin sədri təyin edilib. O, VTB-nin Azərbaycanda biznesinin inkişafı, müştəri bazasının ikiqat artırılması və rəqəmsallaşma kimi strateji vəzifələrin icrasına cavabdeh olacaq.
VTB (Azərbaycan)-ın rəhbəri kimi İqor Okayevin əsas vəzifələri bankın strategiyasının həyata keçirilməsi, maliyyə göstəricilərinin, o cümlədən rəqəmsallaşma və yeni məhsul və xidmətlərin tətbiqi hesabına, artımı olacaq. 2023-cü ilə qədər Azərbaycanda VTB 70 minə yaxın pərakəndə müştəriyə və 3,5 minə yaxın şirkət və müəssisəyə xidmət göstərməyi planlaşdırır. Bankın rəqəmsal kanallarında satışın payı fiziki şəxslər üçün 80%-ə, hüquqi şəxslər üçün isə 85%-ə çatmalıdır.
“Törəmə banklarımızın rəhbərliyi qarşısında müştərilər üçün qabaqcıl məhsul və xidmətlərin tətbiqi və bazar mövqelərinin gücləndirilməsi vəzifəsi durur. Azərbaycan biznesimizin gələcək inkişafı üçün mühüm bazardır. VTB respublikaya, xüsusən də iqtisadiyyatın real sektoruna investisiyaların cəlb edilməsi istiqamətində fəal iş aparır. Biz maliyyə xidmətləri sahəsində ən yaxşı təcrübələrimizi və texnoloji həlləri tətbiq edərək, onları ölkənin sakinləri və biznesləri üçün uyğunlaşdırırıq. Bank bu işi İqor Okayevin rəhbərliyi altında davam etdirəcək, onun bilik və təcrübəsi Azərbaycanda VTB Qrupunun strategiyasını uğurla həyata keçirməyə kömək edəcək” - deyə, VTB-nin prezidenti və İdarə Heyətinin sədri Andrey Kostin bildirib.
İqor Okayev Azərbaycan Dövlət İqtisad Universitetinin Beynəlxalq İqtisadi Münasibətlər fakültəsini bitirib. 2003-cü ildən bank sektorunda çalışır. O, əvvəllər Unibank-da rəhbər vəzifələrdə çalışıb, 2019-cu ildə Bankın İdarə Heyəti sədrinin birinci müavini, 2020-ci ildə Unibank-ın İcraçı Direktoru (CEO) vəzifələrinə təyin edilib. 2016-2017-ci illərdə o, həmçinin VTB (Azərbaycan)-ın idarə heyətinin üzvü olub və bankın korporativ və pərakəndə biznesin inkişafı departamentlərinə rəhbərlik edib.
Qeyd edək ki, İqor Okayev son 10 ildə VTB (Azərbaycan)-ın idarə heyətinin sədri seçilən ilk Azərbaycan vətəndaşıdır.
2021-ci ilin üçüncü rübünün yekunlarına görə, VTB (Azərbaycan)-ın aktivləri ilin əvvəlindən 7,3% artaraq 230,5 milyon manatı ötüb. Kredit portfeli 38%, depozit portfeli isə 16,8% artaraq müvafiq olaraq 168,3 milyon manat və 96,2 milyon manat təşkil edib.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət