Milli Məclisin bu gün keçirilən plenar iclasında 2022-ci il dövlət büdcəsinin layihəsi III oxunuşda qəbul edilib.
“İnterfaks-Azərbaycan” agentliyinin müxbirinin verdiyi məlumata görə, sənədə əsasən, 2022-ci il dövlət büdcəsinin gəlirləri 26 milyard 816 milyon manat (2021-ci ilin proqnozu ilə müqayisədə artım 10,2%) məbləğində təsdiq edilib.
2022-ci ildə gəlirlərin 14 milyard 690 milyon manatı və bütün daxilolmaların 54,8%-i neft sektorunun, 12 milyard 126 milyon manatı və ya gəlirlərin 45,2%-i qeyri-neft sektorunun payına düşəcək.
Gəlirlərin strukturunda 12 milyard 710 milyon manat Dövlət Neft Fondundan dövlət büdcəsinə transfertlərin payına düşüb. Dövlət büdcəsinin ümumi gəlirlərinin strukturunda belə transfertlərin xüsusi çəkisi 47,4% təşkil edir.
Dövlət Vergi Xidmətinin xətti ilə daxilolmalar 8 milyard 820 milyon manat, Dövlət Gömrük Komitəsinin xətti ilə daxilolmalar 4 milyard 260 milyon manat məbləğində nəzərdə tutulub.
2022-ci il dövlət büdcəsinin xərcləri 29 milyard 879 milyon manat məbləğində (2021-ci ilin proqnozuna nisbətən artım 4,7%) təsdiq edilib.
Gələn il üçün xərclərin strukturunda ümumi dövlət xidmətləri ilə bağlı xərclərə 4 milyard 262,9 milyon manat, dövlət borcuna xidmətlə bağlı xərclərə 1 milyard 792 milyon manat, müdafiə xərclərinə 4 milyard 489,9 milyon manat, təhsil xərclərinə 3 milyard 884,3 milyon manat, səhiyyə xərclərinə 1 milyard 788,6 milyon manat, sosial müdafiə və sosial təminat xərclərinə 3,5 milyard manata yaxın vəsait yönəldiləcək.
2022-ci ildə dövlət əsaslı vəsait qoyuluşu 2 milyard 789,8 milyon manat (2021-ci ilin proqnozuna nisbətən azalma 1,6%), işğaldan azad edilmiş ərazilərin yenidən qurulması və bərpası xərcləri 2,2 milyard manat (2021-ci il səviyyəsində saxlanılıb) məbləğində nəzərdə tutulub.
2022-ci ildə sosial xərclər 1 milyard 649 milyon manat - 13 milyard 850 milyon manata qədər (dövlət büdcəsi xərclərinin 46,4%-i) artacaq.
2022-ci il üçün dövlət büdcəsinin kəsiri 3 milyard 63 milyon manat və ya gələn il üçün ÜDM-in 3,5%-i səviyyəsində proqnozlaşdırılır.
İqtisadiyyat Nazirliyinin qiymətləndirmələrinə görə, 2022-ci ildə Azərbaycanda ÜDM-in artımı 3,9%, inflyasiya 4% təşkil edəcək.
Azərbaycanın 2022-ci il dövlət büdcəsində neftin bir barelinin orta qiyməti 50 ABŞ dollarına bərabər götürülüb.
2021-ci il dövlət büdcəsinin gəlirləri üzrə proqnoz 25 milyard 427 milyon manat, xərcləri üzrə proqnoz 28 milyard 543 milyon manat, kəsiri 3 milyard 116 milyon manat təşkil edir.*
X.Nəsirzadə
Nağıyev: “Fransa Ermənistanı yeni müharibəyə təhrik edir”
Bakı Rasmusseni NATO-nun keçmiş baş katibi statusundan sui-istifadə etməkdə ittiham edir
Dövlət Xidməti və Macarıstan Rəqabət Qurumu arasında Anlaşma Memorandumu imzalanıb
2023-cü ildə Türkiyədən Azərbaycana pul köçürmələrinin həcmi 1,3 dəfə artıb
Yanvar-fevral aylarında İstanbula turist axını 8% artıb
DTX 2023-cü ildə dövlətə xəyanətlə bağlı 27 cinayət işinin ibtidai istintaqını aparıb
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
Azərbaycan və Ermənistan parlamentlərinin sədrləri mayda görüşəcəklər
Ağ Ev İsrail və Livanı sərhəddə vəziyyəti dərhal normallaşdırmağa çağırıb
Ağ Ev: “Crocus City Hall”da terror aktına görə yalnız İŞİD məsuliyyət daşıyır
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
Azərbaycan “Accor” qrupu üçün əsas inkişaf bazarlarından biridir
NEQSOL Holding Udemy Business ilə tərəfdaşlığa başlayır
Yelo Bank Xocavənddə yaşayan şəhid ailələrini Novruz sovqatları ilə sevindirib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət