2022-ci ilin yanvar-fevral aylarında Azərbaycanın xarici ticarətinin müsbət saldosu $3 milyard 995 milyon 249,75 min təşkil edib ki, bu da 2021-ci ilin analoji dövrünün göstəricisindən 3,4 dəfə çoxdur. Bu barədə “İnterfaks-Azərbaycan” agentliyinə Dövlət Gömrük Komitəsindən (DGK) məlumat verilib.
Yanvar-fevral aylarında Azərbaycanın xarici ticarət dövriyyəsi $7 milyard 940 milyon 220,67 min (2021-ci ilin yanvar-fevral ayları ilə müqayisədə artım 1,8 dəfə - İF) təşkil edib. Hesabat dövründə ixracın həcmi $5 milyard 967 milyon 735,21 min (artım 2,1 dəfə), idxalın həcmi $1 milyard 972 milyon 485,46 min (artım 22,4%) təşkil edib.
İxracın strukturunda əsas həcm (92,26%) neft-qaz sektoru məhsullarının payına düşüb.
İdxalın strukturunda 17,12% ərzaq məhsullarının, 0,55% tütün və tütün məhsullarının, 6,06% əczaçılıq məhsullarının, 0,25% gübrələrin, 3,43% plastik kütlələr və onlardan hazırlanan məmulatların, 2,22% odun və agac məhsullarının, 1,77% geyim və geyim aksessuarlarının, 7,65% qara metal və ondan hazırlanan məmulatların, 20,55% maşın, mexanizm və elektrik aparatlarının, o cümlədən onların ehtiyat hissələrinin, 15,82% nəqliyyat vasitələri və onların ehtiyat hissələrinin, 0,72% mebelin, 23,86% digər məhsulların payına düşüb.
Yanvar-fevral aylarında xarici ticarət əməliyyatlarında 4,936 min özəl və dövlət müəssisəsi və 9,412 min fiziki şəxs iştirak edib.
Bu dövrdə Azərbaycan 139 ölkə ilə ticarət əməliyyatları həyata keçirib.
Yanvar-fevral aylarında Azərbaycan əsas ixrac əməliyyatlarını İtaliya (ümumi ixracın 51,5%-i), Türkiyə (10,41%), Rusiya (2,06%), Yunanıstan (3,38%), İsrail (4,35%), Ukrayna (4,31%), Portuqaliya (3,04%), Tailand (2,7%), Gürcüstan (2,7%), Böyük Britaniya (2,18%) ilə, əsas idxal əməliyyatlarını isə Rusiya (14,31%), Türkiyə (15,83%), Çin (15,24%), Almaniya (4,54%), Qazaxıstan (7,92%), İtaliya (2,29%), ABŞ (2,53%), Ukrayna (3,76%), İran (3,81%) və Norveç (2,05%) ilə həyata keçirib.
2021-ci ildə Azərbaycanın xarici ticarətinin müsbət saldosu $10 milyard 500 milyon 884,43 min təşkil edib ki, bu da 2020-ci ilin göstəricisindən 3,5 dəfə çoxdur.**
X.Nəsirzadə
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət