AccessBank BMT-in Qadınların Səlahiyyətlərinin Genişləndirilməsi Prinsiplərinə qoşulub (WEPs). BMT-nin Qlobal Sazişi və Qadınlar üzrə Agentliyi tərəfindən hazırlanan Qadınların Səlahiyyətlərinin Genişləndirilməsi Prinsipləri şirkətləri beynəlxalq əmək və insan hüquqları standartları barədə məlumatlandırır və müəssisələri gender bərabərliyi və qadınların səlahiyyətlərinin artırılmasına dəvət edir.
Azərbaycanda hazırda 11 şirkət Qadınların Səlahiyyətlərinin Genişləndirilməsi Prinsiplərinə qoşulub. AccessBank bu prinsiplərə dəstək olan ilk yerli bankdır.
Bankın İdarə Heyətinin sədri Davit Tsiklauri Qadınların Gücləndirilməsi Prinsiplərinin imzaçısı olmaqdan qürur duyduğunu vurğulayır: ”Biz mikromaliyyələşdirmə bankı olaraq kiçik və orta sahibkarlığa diqqət yetiririk və inanırıq ki, biznesdə qadınların bütün səviyyələrdə təmsil olunması ölkənin gələcək inkişafı üçün vacibdir. AccessBank olaraq, uzun müddətdir ki, komandamızda, eləcə də dəstəklədiyimiz kiçik bizneslərdə müxtəliflik və inklüzivliyin tərəfdarıyıq. Qadınların Səlahiyyətlərinin Genişləndirilməsi Prinsiplərinə qoşulmaqdan və bu sahədə ilk bank olmaqdan qürur duyuruq.”
BMT-nin İnkişaf Proqramının (BMTİP) Azərbaycandakı Rezident Nümayəndəsinin səlahiyyətlərini icra edən Çaru Bist vurğulayır: ”Bərabərsizliyin azaldılması və heç kimin diqqətdən kənar qalmaması məqsədilə qadınların iqtisadi səlahiyyətləndirilməsi və gender bərabərliyinin təmin edilməsi, həmçinin qadın təşkilatlarının gücləndirilməsi 2030-cu ilədək Dayanıqlı İnkişaf Gündəliyinə əsasən hamı üçün dayanıqlı inkişafa nail olmağın ilkin şərtlərindən biridir. BMTİP olaraq Azərbaycanda fəaliyyət göstərən şirkətləri QSP-ya qoşularaq iş yerlərində gender bərabərliyini təmin etməyə çağırırıq. İnanırıq ki, özəl şirkətlərlə tərəfdaşlıq şəraitində məqsədimizə nail olacayıq.”
Qadınların Səlahiyyətlərinin Genişləndirilməsi Prinsipləri (WEPs) Azərbaycanda BMT-nin İnkişaf Proqramının Cənubi Qafqazda Qadınların İqtisadi Səlahiyyətlərinin Artırılması layihəsi çərçivəsində həyata keçirilir. Layihə İsveçrə İnkişaf və Əməkdaşlıq Təşkilatı və Avstriya İnkişaf Agentliyi tərəfindən maliyyələşir.
Layihənin əsas məqsədi qadınların, xüsusilə də aztəminatlı və sosial cəhətdən diqqət mərkəzindən kənarda qalmış qadınların iqtisadi cəhətdən gücləndirilməsi və qərarların qəbulunda iştiraklarını təmin etməkdir. Layihənin əsas hədəflərindən biri Qlobal Sazişi (UN Global Compact) təbliğ edərək özəl sektorun gender bərabərliyinin təşviqində iştirakını və qadınların ehtiyaclarına həssaslığı artırmaqdır.
AccessBank Azərbaycanda mikromaliyyələşdirmə lideri olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası kimi beynəlxalq təşkilat və qurumlar yer alır. Bankın 15-i Bakıda, 14-ü bölgələrdə olmaqla, 29 filialı fəaliyyət göstərir. Bankın xidmətləri haqqında məlumat əldə etmək üçün 151 əlaqə mərkəzinə zəng etmək, həmçinin www.accessbank.az saytına, və ya bankın sosial şəbəkələrdə (Facebook, Instagram, LinkedIn) hesablarına daxil olmaq olar.
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət