Azərbaycan Mərkəzi Bankı (AMB) bu gün Dövlət Neft Fondunun (ARDNF) iştirakı ilə keçirdiyi valyuta hərracında banklara $63,9 milyon satıb.

Avqustun 25-də keçirilən hərracda banklara $66,1 milyon məbləğində xarici valyuta satılmışdı.

“Hərracda tələb $63,9 milyon təşkil edib və tam təmin edilib. Hərracda manatın ortaçəkili məzənnəsi 1,7 manat səviyyəsində formalaşıb”, - deyə AMB-dən “İnterfaks-Azərbaycan” agentliyinə bildirilib.

AMB 2017-ci il yanvarın 12-dən etibarən yeni formatda hərrac mexanizminin tətbiqinə başlayıb.

Hərrac birtərəfli valyuta satışı formasında və rəqabətli qaydada keçirilir.

ARDNF 2022-ci ilin yanvar-iyul aylarında valyuta hərraclarında $2 milyard 951,5 milyon (2021-ci ilin müvafiq dövrü ilə müqayisədə azalma 8,6%) satıb.

2021-ci ildə ARDNF valyuta hərraclarında $6 milyard 679 milyon məbləğində vəsait (2020-ci ilin göstəricisi ilə müqayisədə azalma 8,6%) satıb.**

X.Nəsirzadə