Azərbaycanda bir sıra islahatlar həyata keçirilərsə, illik iqtisadi artım tempi 4-4,5%-ə yüksələ bilər. Dünya Bankının (DB) baş iqtisadçısı Ayhan Köse belə hesab edir.
“Bütövlükdə, biz xüsusilə dünya iqtisadiyyatında mövcud qeyri-sabitlik şəraitində Azərbaycan iqtisadiyyatının perspektivlərini çox müsbət qiymətləndiririk. Bizim qiymətləndirmələrimizə görə (ortamüddətli dövrdə – İF) Azərbaycan iqtisadiyyatının artım tempi ildə 2-2,5% təşkil edəcək. Lakin bir sıra islahatların həyata keçiriləcəyi halda ÜDM-in illik artım tempi 4%-ə, müəyyən hallarda isə ildə 4,2-4,5%-ə çata bilər”, - deyə o, bu gün Bakıda keçirilən “Azərbaycan: Dəyişən qlobal iqtisadiyyatda inkişaf perspektivləri” adlı forumda bildirib.
“İnterfaks-Azərbaycan” agentliyinin verdiyi xəbərə görə, Köse qeyd edib ki, bu islahatlar qadınların məşğulluğunun artırılması, aktivlərin şaxələndirilməsi, makroiqtisadi dayanıqlığın təmin edilməsi, enerji keçidinə hazırlıq hesabına insan kapitalının inkişafına və məhsuldarlığın artırılmasına yönəldilməlidir.
Baş iqtisadçı vurğulayıb ki, DB oktyabr ayında Azərbaycan iqtisadiyyatı üzrə yenilənmiş makroiqtisadi proqnozları (2022-2023-cü illər üçün - İF) dərc etməyi planlaşdırır. Bu proqnozlar əvvəlki qiymətləndirmələrlə müqayisədə bir qədər yaxşılaşdırılacaq.
“Azərbaycan 30 illik müstəqillik dövrü ərzində böyük transformasiya yolu keçib və bu gün respublika orta gəlirli ölkələr sırasına daxildir. Lakin Azərbaycan orta gəlir tələsinə düşməməlidir, bir çox digər ölkələr bunu edə bilməyib və onlar bu gün də bu tələdən çıxa bilmir. Azərbaycan bu tələdən yayına bilər və yüksək gəlirli ölkələr sırasına daxil olmaq yolunu seçməlidir. Bunun üçün islahatları davam etdirmək, məhsuldarlığı artırmaq, özəl sektoru inkişaf etdirmək, iqtisadiyyatda dövlətin rolunu azaltmaq lazımdır”, - deyə o əlavə edib.
DB-nin iyul proqnozlarına görə, 2022-ci ildə Azərbaycanda ÜDM 2,7%, 2023-cü ildə 2,2%, 2024-cü ildə 2,3% artacaq.
Azərbaycan hökuməti 2022-ci ildə ÜDM-in artımını 3,4% səviyyəsində proqnozlaşdırır. Bütövlükdə, hökumət 2022-2026-cı illərdə ölkə iqtisadiyyatının orta illik artımını 3-4% səviyyəsində gözləyir.
2021-ci ildə Azərbaycanda ÜDM 5,6% artıb.*
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
AccessBank Masallıda filialının açılması ilə regional şəbəkəsini genişləndirir
AccessBank BMT-nin Qlobal Sazişinə qoşulub
AccessBank 2024-cü ilin 1-cü rübü üzrə maliyyə nəticələrini açıqlayıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət