Azərbaycanın xarici işlər naziri Ceyhun Bayramov Nyu Yorkda Sinqapurun xarici işlər naziri Vivian Balakrişnan ilə keçirdiyi görüş zamanı Azərbaycanla Sinqapur arasında iqtisadi əməkdaşlıq Komissiyasının təsis edilməsi məsələsini müzakirə edib. Bu barədə şənbə günü Azərbaycan XİN-dən məlumat verilib.
“Görüş zamanı, eyni zamanda Azərbaycanla Sinqapur arasında iqtisadi əməkdaşlıq Komissiyasının təsis edilməsinin, təhsil sahəsində əməkdaşlığın perspektivləri, mədəniyyət sahəsində mübadilələrin həyata keçirilməsi, habelə qarşılıqlı maraq doğuran ikitərəfli və regional məsələlər müzakirə edilib”, - XİN-in məlumatında deyilir.
Balakrişnan Sinqapurun Azərbaycanla əməkdaşlığın inkişafında maraqlı olduğunu, iki ölkə arasında qarşılıqlı faydalı biznes əlaqələrinin inkişaf etdirilməsi üçün imkanların araşdırıldığı qeyd edib.
Öz növbəsində, Bayramov bəyan edib ki, Bakı və Sinqapur münasibətlərin siyasi, iqtisadi, ticarət, yüksək texnologiyalar və digər sahələrdə inkişaf üçün böyük potensiala malikdir.
Həmçinin, Bayramov ABŞ-a səfəri çərçivəsində Sloveniya və Andorranın xarici işlər nazirləri Tanja Fajon və Maria Ubac Font ilə görüşüb.
Fajon ilə görüş zamanı Bayramov müxtəlif sahələrdə Azərbaycan-Sloveniya əlaqələrini inkişaf etdirmək üçün imkanların araşdırılmasının zəruriliyini qeyd edib.
Öz növbəsində, Sloveniya XİN başçısı iqtisadi və energetika sahəsində əlaqələrin genişləndirilməsi üçün marağın olduğunu bildirib. Nazir Sloveniyanın minasızlaşdırma sahəsində Azərbaycanla əməkdaşlıq etdiyini və bu əməkdaşlığın genişləndirilməsinin vacib olduğunu diqqətə çatdırıb.
Fajon Cənubi Qafqaz bölgəsində yaranmış gərginliyə görə narahatlığını diqqətə çatdırıb və problemlərin siyasi-diplomatik müstəvidə həllinin zəruri olduğunu qeyd edib.
XİN-in məlumatında qeyd olunur ki, görüş zamanı Bakı ilə Lyublyana arasında ikitərəfli siyasi dialoqun davam etdirilməsinin vacibliyi vurğulanıb.
Bayramov Andorra Knyazlığının xarici işlər naziri Maria Ubac Font ilə görüşü əsnasında iki ölkə arasında diplomatik münasibətlərin çox uğurla inkişaf etdiyini qeyd edib və Andorra ilə bir çox sahələrdə, o cümlədən turizm və təhsil sahəsində əməkdaşlıqda maraqlı olduğumuzu diqqətə çatdırıb.
Öz növbəsində, Andorra XİN başçısı iki ölkə arasında münasibətlərdən məmnunluğunu bildirib və yerli şirkətlərin Azərbaycanla əməkdaşlıqda maraqlı olduğunu bildirib.
Azərbaycan XİN-dən bildirilir ki, Bayramov Nyu Yorkda BMT Baş Assambleyasının 77-ci sessiyasının yüksək səviyyəli həftəsi çərçivəsində keçirilən görüşlər zamanı bu yaxınlarda Ermənistan tərəfinin törətdiyi təxribatlar barədə həmkarlarına məlumat verib. **
R.Kərimov
“AvtoVAZ” Azərbaycanda “Lada” avtomobillərinin yığılmasına başlayıb
2023-cü ildə Azərbaycan iqtisadiyyatına birbaşa xarici investisiyaların həcmi 6% artıb
2023-cü ildə Türkiyədən Azərbaycana pul köçürmələrinin həcmi 1,3 dəfə artıb
Yanvar-fevral aylarında İstanbula turist axını 8% artıb
DTX 2023-cü ildə dövlətə xəyanətlə bağlı 27 cinayət işinin ibtidai istintaqını aparıb
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
Azərbaycan və Ermənistan parlamentlərinin sədrləri mayda görüşəcəklər
Ağ Ev İsrail və Livanı sərhəddə vəziyyəti dərhal normallaşdırmağa çağırıb
Ağ Ev: “Crocus City Hall”da terror aktına görə yalnız İŞİD məsuliyyət daşıyır
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
Azərbaycan “Accor” qrupu üçün əsas inkişaf bazarlarından biridir
NEQSOL Holding Udemy Business ilə tərəfdaşlığa başlayır
Yelo Bank Xocavənddə yaşayan şəhid ailələrini Novruz sovqatları ilə sevindirib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət