İtaliya sentyabrda neft idxalını 5,6% - 5,261 milyon tonadək azaldıb. Bu barədə “İnterfaks-Azərbaycan” agentliyi İtaliyanın Ekoloji Keçid Nazirliyinə istinadən xəbər verir.

Əsas tədarükçülər Rusiya (1,5 milyon ton), Azərbaycan (699 min ton) və Liviya (683 min ton) olub. Sentyabrda İtaliya üçün bir barel neftin orta idxal qiyməti $89,74 təşkil edib. “Siberian Light” $86,57, “Urals” $74,04-ə əldə edilib. Ən bahalı neft növü Nigeriyanın “Ebok” ($112,37), ən ucuz neft növü isə “Varandei” ($68,16) olub.

Yanvar-sentyabr aylarında İtaliya 46,8 milyon ton neft idxal edib.*

Xəbərlər şöbəsi