“AzAbrau” şirkəti (Rusiyanın “Abrau-Durso” şirkətinin törəməsi) Azərbaycanda şərab istehsalı ilə yanaşı, şərab turizmi və enoqastronomiya sahəsində layihələri inkişaf etdirməyi planlaşdırır. “İnterfaks-Azərbaycan” agentliyinin verdiyi xəbərə görə, bunu “Abrau-Durso”nun prezidenti Pavel Titov deyib.
““AzAbrau” şərab turizmi mərkəzi Şəkidə yaradılacaq. Burada interaktiv muzey kompleksi, müxtəlif turizm marşrutları olacaq, bütün ərazilərdə irimiqyaslı yenidənqurma və abadlıq işləri həyata keçiriləcək”, - deyə o, bu gün Bakıda keçirilən mətbuat konfransında bildirib.
Titovun sözlərinə görə, 2023-cü ilin əvvəlində Bakıda “1870 Abrau-Durso Wine&Food” konseptual restoranının açılması planlaşdırılır.
“Bu restoran “Abrau-Durso” və “AzAbrau”nun şərab kolleksiyasının təqdim olunacağı restoran və şərab butikinin unikal birləşməsi olacaq”, - deyə “Abrau-Durso”nun prezidenti vurğulayıb.
Xəbər verildiyi kimi, “Abrau-Durso” Şirkətlər Qrupunun törəmə müəssisəsi olan “AzAbrau” MMC 2021-ci ilin dekabr ayında “Şəki Şərab” MMC-nin dövlətə məxsus payının satışı üzrə investisiya müsabiqəsinin qalibi olub. Müəssisə ildə 2,6 milyon şüşə şərab istehsal etmək imkanına malikdir.
Müəssisə 2008-ci ildə açılıb.
“AzAbrau” MMC premium kateqoriyalı üzüm şərablarının, həmçinin desert şərabların istehsalını planlaşdırır. Şirkət yaxın perspektivdə üzüm bağlarının salınmasını da nəzərdə tutur.
Əsası 2006-cı ildə qoyulmuş Şəki şərab zavodu Çələbixan qəsəbəsində yerləşir. Zavodun nizamnamə kapitalı 4,5 milyon manatdır.
Rusiyada köpüklü şərab istehsalı üzrə lider olan “Abrau-Durso” şirkətinin məhsulları 20-dən çox ölkəyə ixrac edilir. Şirkət biznes-ombudsman Boris Titovun ailəsinə məxsusdur. “Abrau-Durso” PSC-nin səhmləri Moskva birjasında dövriyyədədir.*
B.Rüstəmbəyov
Nağıyev: “Fransa Ermənistanı yeni müharibəyə təhrik edir”
Bakı Rasmusseni NATO-nun keçmiş baş katibi statusundan sui-istifadə etməkdə ittiham edir
Dövlət Xidməti və Macarıstan Rəqabət Qurumu arasında Anlaşma Memorandumu imzalanıb
DTX 2023-cü ildə dövlətə xəyanətlə bağlı 27 cinayət işinin ibtidai istintaqını aparıb
“Crocus City Hall”da törədilən terror aktında ölənlərin sayı 143 nəfərə çatıb
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
Ağacanov: “Əliyev güclü liderdir, ona təzyiq göstərmək çətindir”
Boston Consulting Group: Azərbaycan dünya enerji təhlükəsizliyində əsas rol oynayacaq
Azərbaycan “Accor” qrupu üçün əsas inkişaf bazarlarından biridir
NEQSOL Holding Udemy Business ilə tərəfdaşlığa başlayır
Yelo Bank Xocavənddə yaşayan şəhid ailələrini Novruz sovqatları ilə sevindirib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət