2022-ci ildə Azərbaycanda internet bankçılıq vasitəsilə 211 milyard manat məbləğində əməliyyat aparılıb. Bunu Mərkəzi Bankın baş direktoru Fərid Osmanov deyib.

“2022-ci ilin yekunları: internet bankçılıq vasitəsilə ödəniş əməliyyatlarının sayı 66% artıb, əməliyyatların həcmi 50%, məbləği isə 211 milyard manat təşkil edib”, – deyə o, bu gün mətbuat konfransında bildirib.

Baş direktor qeyd edib ki, ötən il mobil bankçılıq göstəricilərində də artım müşahidə olunub. Xüsusilə əməliyyatların sayı üç dəfə artıb, əməliyyatların həcmi isə 2,9 dəfə artaraq 12 milyard manata çatıb.

F.Osmanovun sözlərinə görə, bu göstəricilərin artması ölkə vətəndaşlarının bu alətlərdən fəal şəkildə istifadə etdiyini göstərir.*

X.Nəsirzadə